બ્રેકઅપ પછી મોટેભાગે લોકોનાં વજનમાં વધારો થતો નથી.

લાંબા સંબંધ પછી તમારું બ્રેકઅપ થઈ ગયું છે? શું તમે તેના કારણે હતાશા અનુભવો છો? શું તમને લાગે છે કે,
તેનાથી તમારા વજનને લઈને સમસ્યા આવી રહી છે? જો આવું કંઇક તમારી સાથે છે, તો તમારે ચિંતા કરવાની કંઈ જરૂર નથી. હકીકતમાં, એક રિસર્ચમાં દર્શાવવામાં આવ્યું છે કે ભાવનાત્મક રીતે જીવનમાં હતાશા હોવા છતાં બ્રેકઅપ પછી સરેરાશ રીતે લોકોનાં વજનમાં વધારો થતો નથી.

સંશોધનકારોના જણાવ્યા અનુસાર, લોકો કેટલીક વખત નેગેટિવ ફીલિંગ્સથી છૂટકારો મેળવવા માટે ખોરાકનો ઉપયોગ કરે છે અને ત્યારબાદ અનહેલ્ધી ફૂડ તેમની ચોઈસમાં સામેલ થઈ જાય છે. ‘જર્નલ ઓફ ધ ઇવલૂશનરી સ્ટડીઝ કન્સોર્ટિયમ’માં આ રિસર્ચ પ્રકાશિત કરવામાં આવ્યું છે. તેના માટે, સંશોધનકોએ બે રિસર્ચ પૂરાં કર્યાં તે જાણવા માટે કે બ્રેકઅપ પછી લોકોનું વજન વધે છે કે કેમ. પ્રથમ રિસર્ચ માટે, સંશોધનકારોએ 581 લોકોને સામેલ કર્યા હતા કે શું તેઓ એક વર્ષમાં બ્રેકઅપમાંથી પસાર થયા છે અને તેનું વજન વધ્યું છે કે ઘટ્યું છે. તેમાં 62.7% લોકોએ જણાવ્યું કે, તેમનાં વજન પર કોઈ અસર થઈ નથી.