નીરજ ચોપરાએ રચ્યો ઈતિહાસ, વર્લ્ડ ચેમ્પિયનશિપમાં સિલ્વર મેડલ જીતનાર બન્યો પહેલો ભારતીય- જુઓ વિડીયો

ઓલિમ્પિક ગોલ્ડન બોય(Olympic Golden Boy) જેવલિન થ્રો (Javelin throw)એટલે કે ભાલા ફેંકવાના ખેલાડી નીરજ ચોપરા(Neeraj Chopra)એ વર્લ્ડ એથ્લેટિક્સ ચેમ્પિયનશિપ(World Athletics Championships)માં ઈતિહાસ રચ્યો છે. તેણે 2003 પછી આ ચેમ્પિયનશિપમાં ભારતને પહેલો મેડલ અપાવ્યો છે. નીરજે 88.13 મીટર દૂર ભાલું ફેંકીને યુએસએના યુજીનમાં આયોજિત ચેમ્પિયનશિપની ફાઇનલમાં સિલ્વર મેડલ(Silver Medal) પર નિશાન સાધ્યું હતું. રોહિત યાદવ ફાઈનલમાં મેડલની રેસમાંથી બહાર થઈ ગયો હતો અને તે 10માં નંબર પર રહ્યો હતો.

Here’s that moment when Neeraj Chopra created history, becoming the first ?? man to medal at the Athletics World Championships. After one of his worst starts to a competition this season, he was out of the podium after three throws before throwing 88.13m that secured him a ? pic.twitter.com/Pr9L0jgip5

— jonathan selvaraj (@jon_selvaraj) July 24, 2022

અગાઉ ભારત પાસે વર્લ્ડ ચેમ્પિયનશિપમાં માત્ર એક જ મેડલ હતો, જે 2003માં લાંબી કૂદની મહાન ખેલાડી અંજુ બોબી જ્યોર્જે બ્રોન્ઝ મેડલ સાથે જીત્યો હતો. હવે 19 વર્ષ બાદ બીજો મેડલ ભારતના હિસ્સમાં સિલ્વર મેડલ આવ્યો છે.

નીરજના ત્રણ થ્રો થયા હતા ફાઉલ:
પહેલો થ્રો- ફાઉલ, સેકન્ડ થ્રો- 82.39 મીટર, ત્રીજો થ્રો- 86.37 મીટર, ચોથો થ્રો- 88.13 મીટર, પાંચમો થ્રો- ફાઉલ અને સિક્થ થ્રો- ફાઉલ.

એન્ડરસને 90.54 થ્રો સાથે ગોલ્ડ જીત્યો:
એન્ડરસન પીટર્સે ફાઇનલમાં 90 મીટરથી વધુ માટે સતત પ્રથમ બે થ્રો કર્યા હતા. આ સાથે તેણે ફાઇનલમાં 90.54ના શ્રેષ્ઠ થ્રો સાથે ગોલ્ડ મેડલ જીત્યો હતો. નીરજ ઉપરાંત, રોહિત યાદવ પણ ફાઇનલમાં અન્ય ભારતીય હતો, પરંતુ તે પ્રથમ ત્રણ થ્રો બાદ ટોપ-8માં સ્થાન મેળવી શક્યો ન હતો અને મેડલની રેસમાંથી બહાર થઈ ગયો હતો.

નીરજનો એન્ડરસન સાથે મુકાબલો હતો:
વિશ્વના નંબર-1 ભાલા ફેંકનાર એન્ડરસને ક્વોલિફાઇંગ રાઉન્ડમાં 89.91 મીટરના અંતરથી ભાલું ફેંકીને ફાઇનલમાં પ્રવેશ કર્યો હતો. તે ટોચ પર હતો. તે માત્ર 90 મીટરની નજીક છે. જ્યારે બીજા ક્રમાંકિત નીરજે ક્વોલિફાઇંગ રાઉન્ડમાં 88.39 મીટર દૂર બરછી ફેંકી હતી. આવી સ્થિતિમાં વર્લ્ડ નંબર-4 નીરજને આ ફાઇનલમાં એન્ડરસનને હરાવવા માટે 90 મીટરના અંતરે ભાલું ફેંકવાનું હતું, જે થઈ શક્યું નહીં.

તાજેતરમાં એન્ડરસને 93.07 મીટરનો થ્રો કર્યો હતો:
એન્ડરસન પીટર્સ આ વર્ષે શાનદાર ફોર્મમાં છે. નીરજ અને એન્ડરસને તાજેતરમાં યોજાયેલી સ્ટોકહોમ ડાયમંડ લીગમાં ભાગ લીધો હતો. ત્યારબાદ એન્ડરસને 90.31 મીટરના થ્રો સાથે ગોલ્ડ મેડલ પોતાના નામે કર્યો. જ્યારે નીરજ ચોપરાએ 89.94 મીટર થ્રો કરીને રાષ્ટ્રીય રેકોર્ડ બનાવ્યો અને સિલ્વરથી સંતોષ માનવો પડ્યો.

તે જ વર્ષે દોહા ડાયમંડ લીગમાં એન્ડરસન પીટર્સે અજાયબીઓ કરી હતી. અહીં તેણે ભાલાને 93.07 મીટર દૂર સુધી ફેંક્યો. એન્ડરસને આ વખતે વર્લ્ડ એથ્લેટિક્સ ચેમ્પિયનશિપમાં ડિફેન્ડિંગ ચેમ્પિયન તરીકે પ્રવેશ કર્યો હતો. તેણે છેલ્લી વખત (2019) 86.89 મીટર દૂર ફેંકીને ગોલ્ડ જીત્યો હતો.

નીરજનું સતત શાનદાર પ્રદર્શન:
નીરજ ચોપરાએ આ સિઝનમાં શાનદાર પ્રદર્શન કર્યું છે, જે અત્યાર સુધી ચાલુ છે. આ સ્ટાર ખેલાડીએ બે વખત પોતાના વ્યક્તિગત સર્વશ્રેષ્ઠમાં સુધારો કર્યો છે. તેણે 14 જૂને ફિનલેન્ડમાં પાવો નુર્મી ગેમ્સમાં 89.30m અને 30 જૂનના રોજ પ્રતિષ્ઠિત સ્ટોકહોમ ડાયમંડ લીગ ઈવેન્ટમાં 89.94m થ્રો કર્યો, તે માત્ર છ સેન્ટિમીટરથી 90mના અંતરથી ચૂકી ગયો. નીરજ તાજેતરમાં ડાયમંડ લીગમાં પીટર્સ પાછળ બીજા સ્થાને રહ્યો હતો.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.