ઓમિક્રોન કાબુ બહાર! એક જ દિવસમાં 101 કેસ નોંધાતા મચ્યો હાહાકાર- ડેલ્ટાને પણ આપે છે ખરી ટક્કર

કોરોના(Corona)ના નવા પ્રકારને લઈને સમગ્ર વિશ્વ ચિંતિત છે. કારણ કે તે ઝડપથી તેના પગ ફેલાવે છે. મંગળવારે, બ્રિટનમાં ઓમિક્રોન(Omicron)ના 101 નવા કેસ નોંધાયા હતા, ત્યારબાદ નવા પ્રકારથી સંક્રમિત લોકોની કુલ સંખ્યા વધીને 437 થઈ ગઈ છે. આ આંકડાએ સરકારને ડરાવી દીધો. વડા પ્રધાન બોરિસ જોન્સ(Boris Jones)ને કહ્યું કે તે ડેલ્ટા કરતાં વધુ સંક્રમિત છે.

યુકેમાં ઓમિક્રોન સંક્રમણ ઝડપથી ફેલાઈ રહ્યો છે. આ અંગે પીએમ જ્હોન્સને તેમના કેબિનેટના સભ્યોને કહ્યું કે, શરૂઆતના સંકેતોને જોતા એ જાણી શકાયું હશે કે કોરોનાનું ઓમિક્રોન વેરિઅન્ટ ડેલ્ટા કરતા વધુ સંક્રમિત છે. વડાપ્રધાન કાર્યાલયના પ્રવક્તાએ કેબિનેટ બેઠક વિશે માહિતી આપી.

ઓમિક્રોન વેરિએન્ટના લક્ષણો:
ઓમિક્રોન વેરિએન્ટના લક્ષણોમાં થાક લાગવો, શરીરમાં દુઃખાવો થવો,માથામાં ખુબ જ દુખાવો થવો વગેરે જેવા લક્ષણોનો સમાવેશ થાય છે.

Omicron સંક્રમિતોમાં નથી જોવા મળતા કોરોના જેવા આ લક્ષણો:
નાક બંધ રહેવું, ખૂબ વધારે તાવ આવવો આ પ્રકારના લક્ષણો ઓમિક્રોનથી સંક્રમિત થયેલા દર્દીઓમાં જોવા મળતા નથી.