હાઈવે પર તેલનું ટેન્કર પલટી મારી જતા તેલની નદી ભરાઈ, લોકોએ તેલ લેવા માટે કરી પડાપડી

સુરેન્દ્રનગર(ગુજરાત): હાલમાં વધી રહેલી અકસ્માતની ઘટનાઓ દરમિયાન ફરીવાર એક અકસ્માતની ઘટના બનવા પામી છે જેમાં જીલ્લાના ચોટીલા હાઇવે પર તેલ ભરેલા ટેન્કરનો અકસ્માત થતાં તેલની નદીઓ વહેતી થઈ હતી. આ અંગેની જાણ થતાં લોકો ડોલ, ડબલા સહિતના વાસણો લઈને તેલ ભરવા માટે ઉમટી પડ્યા હતા. લોકો હાઇવે પર ઢોળાયેલું તેલ ભરવા પડાપડી કરી રહ્યા હતા. બીજી તરફ પોલીસ દ્વારા ઘટનાસ્થળે દોડી જઇ અકસ્માત અંગેનો ગુનો દાખલ કરી કાર્યવાહી હાથ ધરવામાં આવી છે.

જાણવા મળ્યું છે કે, સુરેન્દ્રનગર જીલ્લાના હાઇવે પર અવારનવાર પુરઝડપે દોડતા તેલના ટેન્કરો પલ્ટી ખાઇ જવાના બનાવો સામે આવતા હોય છે. આવી જ એક ઘટના આજે સુરેન્દ્રનગર જીલ્લાના ચોટીલા હાઇવે પર સર્જાઈ હતી. જેમાં ચોટીલા હાઇવે પર તેલ ભરેલું ટેન્કર પલ્ટી ખાઇ જતા તેલની નદીઓ વહેવા લાગી હતી.

આ અંગેની જાણ થતાં લોકો ડોલ, ડબલા સહિતના વાસણો લઈને તેલ ભરવા માટે ઉમટી પડ્યા હતા. લોકો હાઇવે પર ઢોળાયેલું તેલ ભરવા પડાપડી કરી રહ્યા હતા. એક બાજુ તેલના ભાવ આસમાને બીજી તરફ હાઇવે પર આવેલા ઢેઢુકી ગામની બાજુમાં રોડ પર તેલની નદીઓ વહેતી થઈ હોવાનો બનાવ સામે આવ્યો છે.