ગુજરાતમાં લવજેહાદ અને દુષ્કર્મની વધુ એક ઘટના- વિધર્મી યુવકે હિંદુ યુવતીને ફસાવી અને ભોગવી

વડોદરા શહેરમાં વધુ એક લવ-જેહાદનો કિસ્સો સામે આવ્યો છે. વડોદરામાં છેલ્લા એક અઠવાડિયામાં લવ-જેહાદના બે કેસ જોવા મળ્યા છે. કારેલીબાગ વિસ્તારમાં રહેતા શ્રમજીવી પરિવારની સગીરાને મયુદ્દીન ઉર્ફે મયુર પઠાણ લગ્નની લાલચે અપહરણ કરી તેની સાથે અનેકવાર દુષ્કર્મ આચર્યું હતું. કારેલીબાગ પોલીસે મયુદ્દીનને ઝડપી લઈ આગળની કાર્યવાહી હાથ ધરી છે.

વડોદરા શહેરમાં લવ-જેહાદના એક પછી એક કિસ્સા સામે આવી રહ્યા છે. કારેલીબાગમાં શ્રમજીવી પરિવાર રહે છે. તેમની મોટી સગીર પુત્રી ગઈ 2 તારીખે રાતે તેના ઘરેથી ગુમ થઈ હતી. પરિવારજનોએ સગીરાની શોધખોળ કરી હતી, પરંતુ તે મળી નહતી. જોકે એક મહિના અગાઉ કાસમઆલા કબ્રસ્તાન નજીક ઇન્દિરાનગર ઝૂંપડપટ્ટીમાં રહેતો અને મજૂરીકામ કરતો મયુદ્દીન ઉર્ફે મયૂર પઠાણ તેમના ઘરે બેસવા આવતો હતો. તે તેમની પુત્રીને એકાંતમાં શારીરિક અડપલાં કરતો હતો.

એ સમયે સગીરાની માતાએ તેમ ન કરવા માટે ઠપકો આપ્યો હતો. આ ઘટનાને ધ્યાનમાં રાખી પરિવારે મયુદ્દીનના ઘરે જઈ તપાસ કરી હતી તો તે મળ્યો નહોતો. પરિવારે જાણ કરતાં કારેલીબાગ પોલીસે તપાસ શરુ કરી હતી. પોલીસે બંનેને પાવાગઢ નજીકના ગામડામાંથી ઝડપી લીધાં હતાં. પોલીસની પૂછપરછમાં મયુદ્દીન ઉર્ફે મયૂર તેને લઈને પાવાગઢની તળેટી, બાસ્કા અને બીજાં અનેક ગામોમાં ફર્યો હતો. તેણે સગીરા પર અનેકવાર દુષ્કર્મ આચર્યું હતું.

આ અગાઉ શહેરની રણોલી ચોકડી પાસે સુપ્રીમ ઓટોપાર્ટ્સ પાછળ રહેતા અમાનતતુલ્લાહ ઉર્ફે રાજા મનસૂરઆલમ નામના યુવકે ત્યાંથી પસાર થતી સગીરાનો પીછો કરી વાતોમાં ફસાવી હતી. આ સગીરા માત્ર 15 વર્ષની છે અને ધોરણ 10 સુધીનો અભ્યાસ પૂર્ણ કર્યો છે. સગીરાએ વિધર્મી યુવક સામે ફરિયાદ નોંધાવી હતી, જેમાં જણાવવામાં આવ્યું હતું કે, અમાનતતુલ્લાહએ તેને પ્રેમજાળમાં ફસાવી હતી.