લોંચ થવા જઈ રહ્યો છે OnePlus Ace, જાણો કિંમતથી લઈને ફોનમાં કેવા-કેવા છે ફીચર્સ?

પ્રીમિયમ એન્ડ્રોઈડ સ્માર્ટફોન બનાવનાર OnePlus, OnePlus Ace સહિત વિશ્વભરમાં ઘણા નવા સ્માર્ટફોન લોન્ચ કરવા જઈ રહી છે. તમને જણાવી દઈએ કે બ્રાન્ડે હાલમાં જ પુષ્ટિ કરી છે કે તેઓ ક્યારે OnePlus Ace લોન્ચ કરવા જઈ રહ્યા છે. સાથે જ આ સ્માર્ટફોનની તસવીરો પણ લીક થઈ ગઈ છે. તો આવો આજે આપણે જાણીએ આ ફોન વિશેની તમામ માહિતી.

OnePlus Ace આ દિવસે થઇ રહ્યો છે લોન્ચ: 
તમારી માહિતી માટે, અમે તમને જણાવી દઈએ કે બ્રાન્ડે પુષ્ટિ કરી છે કે તે 21 એપ્રિલે બજારમાં તેનો નવો સ્માર્ટફોન OnePlus Ace લોન્ચ કરવા જઈ રહી છે. આ સ્માર્ટફોન હાલમાં ફક્ત ચીનમાં જ લોન્ચ કરવામાં આવી રહ્યો છે અને એવા અહેવાલો છે કે તેને ભારતમાં OnePlus 10R તરીકે લોન્ચ કરવામાં આવી શકે છે.

શેર કરવામાં આવ્યા સ્માર્ટફોન ફોટા: 
કંપની દ્વારા આ સ્માર્ટફોનની માત્ર લોન્ચિંગ તારીખ જ જાહેર કરવામાં આવી છે, ત્યારે ‘My Drivers’ નામની ચાઈનીઝ વેબસાઈટે OnePlus Aceની લાઈવ ઈમેજ શેર કરી છે. તમને જણાવી દઈએ કે તસવીરમાં જે ડિઝાઈન સામે આવી છે તે કંપનીના ટીઝરમાં આપવામાં આવેલા ફોનની ડિઝાઈન જેવી જ છે.

આવો દેખાય છે OnePlus Ace: 
અમે તમને જણાવી દઈએ કે OnePlus Ace સિલ્વર અને બ્લેક બે રંગોમાં જોવા મળ્યો છે અને તે ડ્યુઅલ-ટોન ટેક્સચર સાથે આવી શકે છે. સ્માર્ટફોનનું કેમેરા મોડ્યુલ મેટલનો છે, જેમાં એક મોટો કેમે સેન્સર અને બે નાના સેન્સરનો સમાવેશ થાય છે. કેમેરા મોડ્યુલમાં LED ફ્લેશલાઇટ પણ આપી શકાય છે.