પાકિસ્તાનમાં નરાધમોને એવી સજા મળશે કે, કોઈ ક્યારેય પણ દુષ્કર્મ કરવાનું વિચારશે પણ નહિ…

હાલમાં સમગ્ર વિશ્વમાં કોરોનાની મહામારી ચાલી રહી છે. સમગ્ર દેશમાંથી અવારનવાર સ્ત્રીઓની સાથે થઈ રહેલાં શારીરિક તેમજ માનસિક અત્યાચારની કેટલીક ઘટનાઓ સામે આવતી હોય છે. બળાત્કારીઓ ફરાર થઈ જતાં હોય છે અથવા તો એમને જેલની સજા ફટકારવામાં આવતી હોય છે. પડોશી દેશ પાકિસ્તાનનાં PM ઇમરાન ખાનની સમગ્ર વિશ્વમાં વાહ વાહ થઈ રહી છે.

આની પાછળનું એકમાત્ર કારણ એ રહેલું છે, કે પાકિસ્તાનમાં કોરોના તો નિયંત્રણમાં આવી ગયો છે. આની ઉપરાંત શાળાઓ પણ શરુ કરી દેવામાં આવી છે. હાલમાં આને જ લઈને એક સમાચાર સામે આવી રહ્યાં છે.પાકિસ્તાનમાં વિદેશી મહિલાની સાથે બળાત્કારની ઘટના અંગે દેશમાં જ નહીં પણ વિદેશમાં ટીકા પછી PM ઇમરાન ખાન હરકતમાં આવ્યા છે.

તેઓએ દેશમાં બળાત્કાર કરનારને તેમજ જાતીય શોષણ કરનારની વિરુદ્ધ સખ્ત પગલા લેવાની હાકલ કરવામાં આવી રહી છે. ઇમરાને આવા બળાત્કારીને જાહેરમાં જ ફાંસી અથવા તો રાસાયણિક નસબંધી આપવા માટેનું સૂચન કરવામાં આવ્યું છે. ઇમરાન ખાને જાતીય શોષણ કરનારનું રાષ્ટ્રીય રજિસ્ટર બનાવવાની હાકલ કરવામાં આવી હતી.

એક TV ચેનલ સાથેની વાતચીતમાં પાકિસ્તાનનાં PM ઈમરાન ખાને જણાવતાં કહ્યું કે, એમને લાગે છે કે, બળાત્કારીની તાત્કાલિક રાસાયણિક નસબંધીની જરૂર રહેલી છે. જો આ કેસ ન હોય તો ઓછામાં ઓછા બળાત્કારીઓની શસ્ત્રક્રિયા કરાવવી જોઈએ. જેને કારણે તેઓ ભવિષ્યમાં પણ ક્યારેય જાતીય ગુના ન કરી શકે.