શું ભારતમાં ક્યારેય IPL નહિ રમાય? IPL રદ કરવા પાકિસ્તાન ઘડી રહ્યું છે આ કાવતરું

કોરોના વાયરસ ના કારણે છેલ્લા કેટલાક સમયથી ક્રિકેટ કેટલાક સમયથી ઠપ છે. જોકે કોઈને જાણ નથી કે ખેલાડી મેચ રમવા ક્યારે મેદાનમાં ઉતરશે. ટી 20 વર્લ્ડ કપ 2020 થશે અથવા આ ટુર્નામેન્ટ 2022 સુધી રદ કરવામાં આવશે કે નહિ આ અંગે જવાબ ગુરૂવારે મળી જશે. કારણ કે, મળતી માહિતી અનુસાર, ગુરૂવારે આઈસીસીની બેઠક થવાની છે. જેમાં ટી 20 વર્લ્ડ કપને 2 વર્ષ માટે સ્થગિત કરવાની જાહેરાત થશે એવી અટકળો ફેલાઈ છે.

અત્રે ઉલ્લેખનીય છે કે, કોરોના વાયરસના કારણે હાલ બધી ક્રિકેટ ટુર્નામેન્ટ્સ રદ કરવામાં આવી છે. ત્યારે કોરોના વાયરસના કારણે સ્ટેડિયમમાં લોકોને આવવાની મંજૂરી નહીં મળે અને આઈસીસી મોટી ટુર્નામેન્ટ ખાલી સ્ટેડિયમમાં કરવાનું ટાળશે.

પાકિસ્તાન બોર્ડે આ વર્ષે ટી20 વિશ્વ કપ સ્થગિત કરવાના કોઈ પણ નિર્ણયનું સમર્થન કરવાની ના પાડી છે. કારણે કે, તેનાથી સંપૂર્ણ ઇન્ટરનેશનલ કેલેન્ડર વિખેરાઈ જશે. પીસીબીના એક અધિકારીએ ગુરૂવારે થનારી ઇન્ટરનેશનલ ક્રિકેટ પરિષદ(ICC) ની બેઠક પહેલા કહ્યું કે પાકિસ્તાન આ મામલે આઈસીસીના નિર્ણયની રાહ જોશે.

ICCના એક અધિકારીએ જણાવ્યું કે, હાલમાં મે મહિનો ચાલી રહ્યો છે. આઈસીસીના સભ્યોએ આ અંગે અંતિમ નિર્ણય લેવા માટે ઉતાવળ ન કરવી જોઈએ હાલ રાહ જોવી એ જ સારામાં સારો નિર્ણય છે. કારણ કે બે મહિના પછી પણ આ અંગે નિર્ણય લઈ શકાશે.