પાકિસ્તાનમાં દુલ્હન એ ઘરેણાની જગ્યાએ પહેર્યા ટામેટા, વીડિયો થયો વાયરલ :જુઓ વિડીયો

પાકિસ્તાનમાં ટમેટાના ભાવ હાલના દિવસોમાં 300 રૂપિયા પ્રતિ કિલો થઇ ગયા છે. પરિસ્થિતિ એવી સર્જાઈ છે કે સ્થાનિક લોકો ટામેટા ની તુલના ખુબ કીમતી વસ્તુઓ સાથે કરવા લાગ્યા છે. લાહોરમાં એક યુવતીએ પોતાના લગ્નમાં ટમેટાનો હાર પહેર્યો છે. તેના ફોટો અને વિડીયો વાયરલ થઇ રહ્યા છે.

તેમાં દુલ્હનએ ટમેટાના હાર, ઝુમકા તેમજ અન્ય ઘરેણાઓ પહેરેલા છે તે દેખાઈ રહી છે. આ વિડીયો ઉપર સોશિયલ મીડિયામાં યુઝર્સ પાકિસ્તાનની મોંઘવારી અને પડતી અર્થવ્યવસ્થાને લઈને કોમેન્ટ કરી રહ્યા છે. દુલ્હન નું કહેવું છે કે આ ટમેટાનો હાર બતાવે છે તે અહીંયા કેટલી મોંઘવારી છે અને અમારા માટે તે કેટલા કિંમતી છે.વધુમાં તે કહે છે કે દેશમાં ટમેટા સોનાના ભાવે વેચાવા લાગ્યા છે.

સોશિયલ મીડિયા પર શેર કરવામાં આવેલા આ વીડિયોને હજારો લોકો વખાણી રહ્યા છે. લોકો દુલ્હનના આ અનોખા વિરોધની રીત ને વખાણી રહ્યા છે.