પાકિસ્તાની ન્યુજ ચેનલ પર લહેરાયો ત્રિરંગો- જાણો એવું તો શું થયું….

હાલમાં એક ઘટના સામે આવી છે. પાકિસ્તાનની પ્રખ્યાત TV ચેનલ ‘ડોન ન્યૂઝ’ ને કથિત હેક કરવાની ઘટના સામે આવી છે. એવું જાણવામાં આવી રહ્યું છે, કે હેકરોએ ચેનલની સ્ક્રીન પર જ ભારતીય ધ્વજ ફરકાવ્યો હતો. એટલું જ નહીં, ‘હેપ્પી સ્વતંત્રતા દિવસ’ પણ સ્ક્રીન પર દેખાયું હતું.

ખરેખર, તો પાકિસ્તાન TV ન્યૂઝ ચેનલ ડોન પર આ બધું રવિવારનાં રોજ થયું હતું. જ્યારે પ્રસારણ દરમિયાન એક જાહેરાત ચાલી રહી હતી, એ જ સમયે હેકિંગની ઘટના બની હતી. અચાનક જ ભારતીય ત્રિરંગો લહેરાવા લાગ્યો તેમજ એ જ સમયે ‘હેપ્પી ઈન્ડિપેન્ડન્સ ડે’ પણ સ્ક્રીન પર બોલ્ડ અક્ષરોમાં બતાવવામાં આવ્યું હતું.

આ ઘટનાનાં ફોટો તથા વીડિયો સોશિયલ મીડિયામાં ખુબ જ વાયરલ થઈ રહ્યો છે. તેને કેટલાંક ટ્વિટર યુઝર્સે પણ જોયું છે. ઘણાં લોકોએ તો આ વીડિયોને ટ્વીટ પણ કર્યો છે.

બીજી બાજુ, ડોન ન્યૂઝે એક નિવેદન બહાર પાડ્યું છે, કે રવિવારનાં રોજ ભારતીય ત્રિરંગો અચાનક જ ડોન ન્યૂઝ પર દેખાવા લાગ્યો હતો તથા ‘હેપ્પી ઈન્ડિપેન્ડન્સ ડે’ પણ સ્ક્રીન પર દેખાયું હતું. જે થોડો સમય માટે જ રહ્યો ત્યારપછી તે ગાયબ થઈ ગયો હતો. અમે પણ આ સમગ્ર મામલાની તપાસ કરી રહ્યા છીએ.