April 25, 2024
ગુજરાત (Gujarat): ગઈકાલે નવા મુખ્યમંત્રી (New Chief Minister) તરીકે પાટીદાર ધારાસભ્યની નિમણૂક કરવામાં આવી છે ત્યારે આ વિશે ખોડલધામ (Kagvad Khodaldham) ટ્રસ્ટના ચેરમેન નરેશ પટેલ (Naresh Patel) દ્વારા આ અંગે 2 દિવસ બાદ પ્રતિક્રિયા આપશે તેવું કહ્યું હતું. ગુજરાત વિધાનસભાની ચૂંટણીને 1 વર્ષ જેટલો સમય બાકી છે ત્યારે એના પહેલાં જ રાજ્યમાં ચૂંટણીનો ગરમાવો શરૂ થઇ ગયો હતો. 12 જૂનનાં રોજ કાગવડ ખોડલધામ મંદિરે લેઉવા-કડવા પાટીદાર અગ્રણીઓની મિટિંગનું આયોજન થયું હતું.
આ મિટિંગ પછી ખોડલધામ ટ્રસ્ટના ચેરમેન નરેશ પટેલ મીડિયા સમક્ષ જણાવે છે કે, પટેલ સમાજને કેશુબાપા જેવો આગેવાન મળ્યો નથી તેમજ આગામી મુખ્યમંત્રી પાટીદાર હોવો જોઇએ. નરેશ પટેલના વિધાન પછી કેટલાક તર્ક-વિતર્ક શરૂ થયા હતા. થોડા દિવસ અગાઉ ભાજપના પ્રદેશ પ્રમુખ સી.આર.પાટીલે ભૂતપૂર્વ CM વિજયભાઇ રૂપાણીના નેતૃત્વમાં આગામી ચૂંટણી લડાશે.
શનિવારની બપોરે વિજયભાઇ રૂપાણી રાજ્યપાલને મળવા માટે પહોંચ્યા હતા તેમજ મુખ્યમંત્રી પદ પરથી પોતાનું રાજીનામું આપ્યું હતું. વિજયભાઇના રાજીનામા પછી નવા મુખ્યમંત્રી કોણ બનશે તેવી ચર્ચાઓ શરૂ થઇ હતી, નવા CM પાટીદાર હશે તેમજ એના માટે આટલો મોટો બદલાવ ભાજપે કર્યો છે એવી રાજકીય વર્તુળોમાં ચર્ચા ચાલતી હતી.
ભાજપના સિનિયર પાટીદાર ધારાસભ્યો તથા કેન્દ્રીય મંત્રીઓના નામ ચર્ચામાં આવ્યા હતા પણ રવિવારની બપોરે સહુ કોઇના આશ્ચર્યની વચ્ચે નવા CM તરીકે અમદાવાદના ધારાસભ્ય ભૂપેન્દ્રભાઇ પટેલનું નામ જાહેર કરવામાં આવ્યું હતું. પાટીદાર ધારાસભ્યની જાહેરાત થતાં ખોડલધામ ટ્રસ્ટના ચેરમેન નરેશ પટેલનો ટેલિફોન સંપર્ક કરવામાં આવ્યો હતો.
Trending News
આની સાથે જ પાટીદાર ધારાસભ્યની મુખ્યમંત્રી તરીકે જાહેરાત કરવામાં આવી છે ત્યારે તમારી પ્રતિક્રિયા શું છે? તેવું પૂછવામાં આવતા નરેશ પટેલ દ્વારા હાલમાં પોતે હૈદરાબાદ છે તેમજ આ અંગે હાલમાં કંઇ કહેવા માંગતા નથી 2 દિવસ પછી આ અંગે પ્રતિક્રિયા આપશે તેવું જણાવ્યું હતું.
રાજકોટમાં રૂપાણી-પાટીલનો કાર્યક્રમ, હાજરી અંગે સસ્પેન્સ:
નરેન્દ્ર મોદીનો 17 સપ્ટેમ્બરે જન્મદિન હોવાને લીધે રાજકોટમાં ભૂતપૂર્વ CM વિજય રૂપાણી તેમજ પ્રદેશ ભાજપ પ્રમુખ CR પાટીલની હાજરીમાં સત્યસાંઇ હોસ્પિટલમાં 71 બાળકની હૃદયની સર્જરી સહિતના કાર્યક્રમોનું આયોજન કરવામાં આવ્યું હતું પણ હવે મુખ્યમંત્રી બદલાઈ ગયા છે ત્યારે આ કાર્યક્રમોનું આયોજન કરવું કે નહીં તે અંગે રાજકોટના અધિકારીઓ મૂંઝવણમાં છે.
PM મોદીના જન્મદિન નિમિત્તે રાજકોટ શહેર ભાજપ બક્ષીપંચ મોરચાએ સત્યસાંઇ હોસ્પિટલમાં હૃદયની બીમારી ધરાવતા 71 બાળકની સર્જરીનો કેમ્પ રાખવામાં આવ્યો છે. આની ઉપરાંત દિવ્યાંગ બાળકોને ભોજન, રાશન કિટ વિતરણ, રક્તદાન કેમ્પ, હોસ્પિટલમાં ફ્રૂટ વિતરણ સહિતના કાર્યક્રમનું આયોજન કરવામાં આવ્યું હતું.
આની ઉપરાંત જિલ્લા વહીવટી વિભાગ તથા રાજકોટ મહાનગરપાલિકા દ્વારા સંયુક્ત રીતે પણ કાર્યક્રમનું આયોજન કરવામાં આવ્યું હતું. જેમાં ઇ-બસનું લોકાર્પણ, દીનદયાળ ક્લિનિકનો શુભારંભ સહિત અનેકવિધ કાર્યક્રમોનું આયોજન કરવામાં આવ્યું હતું.
આની સાથે જ હેમુ ગઢવી હોલનું નવીનીકરણ પછી લોકાર્પણ, રૂડા, માર્ગ તથા મકાન વિભાગના કામોનું લોકાર્પણ તેમજ ખાતમુહૂર્ત સહિતના કાર્યક્રમોનું આયોજન કરવામાં આવ્યું હતું. હવે ભાજપ આયોજિત કાર્યક્રમની સિવાય સરકારી કચેરીના કાર્યક્રમો કરવા કે નહીં તે અંગે અધિકારીઓ નક્કી કરી શક્યા નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
