ઉનાળામાં ઓઈલી વાળ અને ત્વચાથી પરેશાન રહેતાં લોકો ખાસ વાંચો આ ટીપ્સ- માત્ર 3 જ દિવસમાં જોવા મળશે પરિણામ

બધા લોકો ઉનાળામાં ઓઈલી વાળ અને ત્વચાથી ખુબ જ પરેશાન રહે છે. તેઓ આ પરેશાનીને દુર કરવા માંગતા હોય છે. ઉનાળાની ઋતુમાં ગરમીના કારણે વાળ ખુભ જ ખરે છે. તડકા અને લૂ ના કારણે ત્વચા લાલ થઈ જાય છે. તો આજનાં આપણા લેખમાં આપણે ઘણી એવી ટીપ્સ વિશે જાણીશું જે તમારા વાળ અને ત્વચાને ઉનાળામાં ઓઈલી ફ્રી રાખવામાં મદદ મળશે.

વાળ ઢાંકો
પવનથી થતા નુકસાનને ઘટાડવા માટે ટોપીનો ઉપયોગ કરો, ખાસ કરીને જો તમારા વાળ વધુ ગુંચવાતા હોય તો ધ્યાન રાખો. ગરમીની મોસમમાં વાળ સૌથી વધુ ડેમેજ થતા હોય છે. તમારા માથાને ઢાંકવા માટે સ્કાર્ફ અથવા ટોપીનો ઉપયોગ કરો. તે તમને વધારાની યુવી પ્રોટેક્શન આપે છે, તેમજ માથાની ચામડીમાં ભેજ જાળવી રાખવામાં મદદ કરે છે.

બ્લો ડ્રાયિંગનો ઉપયોગ ટાળો
વાળને ડ્રાયરથી સુકવવાના બદલે ખૂલી હવામાં સૂકવો. વધુ સમય સુધી ટોવેલ બાંધીને ન રાખશો. કારણ કે તે પહેલાથી જ સુકા વાળને વધુ નુકસાન પહોંચાડશે. તમારા વાળને બને એટલું ઓછું બ્લો-ડ્રાય કરવાનો પ્રયાસ કરો.

પ્રવાહી વસ્તુનું સેવન વધુ કરો
ઠંડા પીણાં પસંદ કરો જે તમને તમારા વાળને સ્વસ્થ અને હાઈડ્રેટેડ રાખવામાં મદદ કરશે. તમારા આહારમાં બને ત્યાં સુધી તાજા ફળો અને શાકભાજીનો સમાવેશ કરો. તમે ગમે એટલી તમારા વાળની ​​સંભાળ રાખો, પરંતુ જો તમે પૂરતું પાણી નથી પીતા તો તમને કોઈ ફાયદો નથી થવાનો.