ફરીએક વખત પેટ્રોલ-ડિઝલના ભાવમાં થયો વધારો- જાણો આજના નવા ભાવ

કોરોનાની મહામારી વચ્ચે ભારત દેશમાં પેટ્રોલ અને ડીઝલના ભાવમાં સતત વધારો થઈ રહ્યો છે. થોડા દિવસથી હલચલ જોવા મળી ન હતી પણ આજે પેટ્રોલ અને ડીઝલના ભાવમાં વધારો થયો છે. અનલોક થતાની સાથે જ પેટ્રોલ અને ડીઝલની માંગ પણ વધી છે. તેલની વધતી માંગ વચ્ચે ગુરુવારે ઓઇલના ભાવ સ્થિર રહ્યા હતા.

17 જૂનના રોજ સરકારી તેલ કંપનીઓએ પેટ્રોલ અને ડીઝલના ભાવમાં કોઈ ફેરફાર કર્યો ન હતો, જેના કારણે દિલ્હીના બજારમાં પેટ્રોલનો દર પ્રતિ લિટર 96.66 રૂપિયા છે અને ડીઝલનો ભાવ આજે પણ લિટર દીઠ 87.41 રૂપિયા છે. બુધવારે પેટ્રોલ 29 પૈસા અને ડીઝલ 30 પૈસા મોંઘુ થયું છે.

રાજ્યમાં આજે પેટ્રોલના ભાવમાં પ્રતિ લિટર 24 પૈસાનો વધારો કરવામાં આવ્યો છે.અને ડિઝલના ભાવમાં પ્રતિ લીટર 14 પૈસાનો વધારો કરવામાં આવ્યો છે. આ પેટ્રોલ અને ડીઝલનો ભાવ વધતા અમદાવાદ, વડોદરા, સુરત, ભાવનગર અને જામનગર ના લોકોમાં આક્રોશ જોવા મળી રહ્યો છે.

મંગળવારની તુલનામાં બુધવારે પેટ્રોલ અને ડીઝલના ભાવમાં વધારો કરવામાં આવ્યો હતો. બુધવારે દિલ્હીમાં પેટ્રોલની કિંમત પ્રતિ લિટર 96.66 રૂપિયા અને ડીઝલની કિંમત પ્રતિ લિટર 87.41 રૂપિયા હતી. અગાઉ, સોમવારે દર વધાર્યા પછી, પેટ્રોલ-ડીઝલના ભાવ મંગળવારે સ્થિર રહ્યા હતા. સોમવારે પેટ્રોલની કિંમતમાં 29 પૈસા અને ડીઝલમાં 30 પૈસાનો વધારો કરવામાં આવ્યો છે.