ચાઈના વાળા ના કરે એટલું ઓછું: ડુક્કર-વાંદરાના ડીએનએ ભેગા કરી નવું હાઇબ્રિડ પ્રાણી પેદા કર્યું

ચીની સંશોધકો જાત જાતના પ્રયોગો કરતા હોય ચ છે.ચીને હવે પ્રયોગો દ્વારા નવી પ્રજાતીનું પ્રાણી પેદા કરી દેખાડયું છે. ચીની સંશોધકોએ લેબોરેટરીમાં પ્રયોગ કરીને ચીનમાં જોવા મળતાં પિગ્સ (ડુક્કર) અને સીનોમોલગ્સ પ્રકારના વાંદરાના મિશ્રણ જેવું સિમેરા નામનું પ્રાણી પેદા કર્યું છે. લેબોરેટરીમાં સિમેરાના કુલ બે બચ્ચાં જન્મ્યા છે. જોકે તેનો દેખાવ જોતા એ ડુક્કરના બચ્ચાં જેવા જ લાગે છે.

મોટા થયાં પછી તેના દેખાવમાં વાંદરાના આવી શકે છે. ચીનનો ટાર્ગેટ પ્રયોગશાળામાં જ મનુષ્યના વિવિધ અંગો પેદા કરવાનું છે. એ પ્રયોગના ભાગરૂપે જ આ વર્ણસંકર પ્રજાતી પેદા કરાઈ હતી. ચીની સંશોધકોએ જણાવ્યું હતુ કે મનુષ્યના વિવિધ અંગો નીત-નવી બિમારીનો ભોગ બનતા જાય છે. અમુક બિમારી વખતે અંગને ટ્રાન્સપ્લાન્ટ કરવું પડતું હોય છે. પરંતુ ટ્રાન્સપ્લાન્ટ માટે ડોનર ન હોય તો અંગ ક્યાંથી લાવવું? માટે અમે પ્રયોગશાળામાં જ આવા સારવાર માટે જરૂરી અંગો વિકસાવી શકાય એ પ્રોજેક્ટ પર કામ કરીએ છીએ. તેના ભાગરૂપે જ આ અખતરો કરવામાં આવ્યો હતો.