દેશભરમાં CAAના થઈ રહેલ વિરોધ વચ્ચે હવે ખુદ PM મોદી ઉતર્યા મેદાને: જાણો વિગતે

નાગરિકતા કાયદા(CAA)ને લઇને તમામ વિરોધ પક્ષો મોદી સરકારને ઘેરી દેશભરમાં વિરોધ પ્રદર્શન યોજી રહ્યા છે. તો હવે નાગરકિતા કાયદા પ્રત્યે લોકોમાં જાગૃતિ ફેલાવવા ખુદ પીએમ નરેન્દ્ર મોદી મેદાનમાં ઉતર્યા છે. પીએમ મોદીએ ટ્વીટર પર નાગરિકતા કાયદાને લઇને વ્યાપક અભિયાન શરૂ કર્યું છે.

#IndiaSupportsCAA because CAA is about giving citizenship to persecuted refugees & not about taking anyone’s citizenship away.

Check out this hashtag in Your Voice section of Volunteer module on NaMo App for content, graphics, videos & more. Share & show your support for CAA..

— narendramodi_in (@narendramodi_in) December 30, 2019

પીએમ મોદીએ હેશટેગ ઇન્ડિયા સપોર્ટ સીએએ નામથી આ અભિયાનનો શુભારંભ કર્યો છે. સાથે જ પીએમ મોદીએ દેશવાસીઓને આ અભિયાનનું સમર્થન કરવા માટે અપીલ પણ કરી છે. પીએમ મોદીએ ટ્વીટ કરીને જણાવ્યું કે ક્યાં કારણોસર નાગરિકતા કાયદો પીડિત શરણાર્થીઓ માટે જરૂરી છે.આ કાયદો નાગરિકતા આપવા માટે છે કોઇની નાગરિકતા છિનવી લેવા માટે નથી.

લોકોમાં જાગૃતતા આવે તે હેતુથી પીએમ મોદીએ આ અભિયાનની શરૂઆત કરતા પોતાના ટ્વીટર હેન્ડલ પરથી પ્રખ્યાત ધર્મગુરુ સદ્દગુરૂ જગ્ગી વાસુદેવનો વીડિયો પણ શેર કર્યો છે.