સુરતના વેસુ વિસ્તારમાં ધમધમી રહ્યું હતું કુટણખાનું- ૧૮ વિદેશી યુવતીઓ એવી હાલતમાં હતી કે શર્મસાર થઇ પોલીસ

સુરત(ગુજરાત): મિસિંગ સેલ ક્રાઇમ બ્રાન્ચ દ્વારા સુરતના વેસુ VIP રોડ પર ચાલતા ગેરકાયદેસર સ્પા પર રેડ પાડવામાં આવી હતી. બંગાળના કોલકોતાની અનેક યુવતીઓ પાસે કરાવાતાં બદકામના રેકેટને પરદા ફ્રાશ કર્યો હતું. અંબે સ્પામાંથી 18 યુવતીઓને ડિટેઇન કરાઈ હતી. પોલીસે કસ્ટમર બની આખું રેકેટ ચલાવનાર મેનેજર સહિત 7ની ધડપકડ કરી આગળની તપાસ શરુ કરી છે.

11 મહિના પહેલા વેસુ વીઆઇપી રોડ પર મારવેલા કોરિડોરમાં આવેલા એમ્બીઝ સ્પામાં વડોદરાની 15 વર્ષીય તરૂણીનું અપહરણ કરી વૈશ્યાવૃતિમાં ધકેલી દેવામાં આવી હતી. તે જ સ્પામાં ફરી કુટણખાનું શરૂ થઈ જતા શનિવારે એન્ટિ હ્યુમન ટ્રાફિકિંગ સ્કવોડે રેડ પાડી હતી. જ્યાંથી સ્પાના માલિક, સંચાલક તેમજ 6 ગ્રાહકો સહિત 8 વ્યક્તિની ધડપકડ કરવામાં આવી હતી. 18 મહિલાઓને આ સ્પામાંથી રેસ્કયુ કરી હતી.

આ સ્પા છેલ્લા 4 મહિનાથી શરૂ થયું હતું. રેપ જેવી ગંભીર ઘટના બની હોય ત્યારે આ સ્પા કોના ઈશારે શરૂ થયો તેની જો પોલીસ કમિશનર તપાસ કરાવે તો અનેક પોલો ખૂલી શકે છે. સ્ક્વોડે મોકલેલા ડમી ગ્રાહકને 1 હજાર લઈ રૂમમાં મોકલાયો હતો. જ્યાં દેહવ્યાપારનો ધંધો ચાલી રહ્યો હતો. પોલીસની રેડ પડતા ગ્રાહકોમાં ભાગદોડ મચી ગઈ હતી. પોલીસથી બચવા માટે મારવેલા કોરિડોરમાં ગ્રાઉન્ડ ફ્લોરથી લઈ ચોથા માળે સ્પાની રૂમની બહાર સુધી સીસીટીવી કેમેરા લગાડેલા છે. જેના પર એક વ્યક્તિ સતત નજર રાખતો હતો.