ખેડૂતની પુત્રીએ રાજ્ય કક્ષા ની શુટિંગ ચેમ્પીયનશીપમાં ગોલ્ડ મેડલ મેળવ્યો

પોરબંદરના રાણાવાવ ના બાપોદર ગામના ખેડૂત ની પુત્રી રાજ્ય કક્ષા ની શુટિંગ ચેમ્પીયનશીપમાં ગોલ્ડ મેડલ હાંસલ કર્યો છે. પોરબંદર ડિસ્ટ્રીકટ રાયફલ શુટીંગ એસોસિએશન દ્વારા રાઇફલ શૂટિંગની તાલીમ આપવામાં આવી રહી છે. ત્યારે આ સંસ્થામાં તાલીમ પ્રાપ્ત કરનાર રાણાવાવ ના બાપોદર ગામના અલ્પાબેન કેશવભાઈ બાપોદરાએ રાજ્ય કક્ષાએ યોજાયેલ સ્પર્ધામાં અનેરી સિદ્ધિ હાંસિલ કરી છે. હાલ સ્ત્રી સશક્તિકરણને પોરબંદર સહિત દેશભરમાં પ્રાધાન્ય આપવામાં આવી રહ્યું છે. ત્યારે ગ્રામીણ પંથકમાંથી આવતા ખેડૂત પુત્રી પોતાની અથાગ મહેનતથી અવલ્લ આવી છે.

અમદાવાદ ખાતે તાજેતરમાં ઓપન ગુજરાત સ્ટેટ શૂટિંગ ચેમ્પિયનશિપનું આયોજન કરવામાં આવ્યું હતું. ઓપન ગુજરાત સ્ટેટ ચેમ્પિયનશીપમાં ખેડૂત પુત્રી અલ્પાબેન કેશવભાઈ બાપોદરાએ ગોલ્ડ મેડલ પ્રાપ્ત કર્યો હતો. ચાલુ વર્ષે વિવિધ સ્પર્ધાઓ તેણીએ ત્રણ ગોલ્ડ મેડલ, સિલ્વર અને બ્રોન્ઝ મેડલ સહિત કુલ છ મેડલ પ્રાપ્ત કર્યા છે. અને પિસ્તોલ શૂટિંગમાં અનેરી સિદ્ધિ મેળવી છે.