દરરોજ 10થી 12 કલાક રેકોર્ડિંગ સાંભળી વડોદરાના પ્રજ્ઞાચક્ષુ વિદ્યાર્થીએ સારા માર્કસે પાસ કરી ધોરણ 10ની પરીક્ષા- વધુ અભ્યાસ કરીને બનવા માંગે છે…

CBSE Result 2023: CBSE ધોરણ 10 અને 12 નું પરિણામ જાહેર થઈ ચૂક્યું છે. વિદ્યાર્થીઓએ ખૂબ મહેનત કરી અને ખૂબ સારા માર્કસ સાથે ઉત્તીર્ણ થયા. ત્યારે વડોદરા (Vadodara) માં પ્રજ્ઞાચક્ષુ વિદ્યાર્થીઓએ (bright student) પણ દિવસ રાત મહેનત કરીને ધોરણ 10 ની પરીક્ષા પાસ કરી છે. આ વિદ્યાર્થી પોતાનો અભ્યાસ પૂરો કરીને ભવિષ્યમાં શિક્ષક બનવા માંગે છે. પરિવારના સહકાર સાથે વડોદરાના પ્રજ્ઞાચક્ષુ વિદ્યાર્થીએ ધોરણ 10 CBSE ની પરીક્ષા પાસ કરી છે.

વડોદરા શહેરની ખાનગી શાળામાં અભ્યાસ કરતો ખુશાલ ચૌહાણ CBSE ધોરણ 10 માં 61% સાથે ઉત્તીર્ણ થયો છે. ખુશાલે પહેલી વખત બોર્ડની પરીક્ષા આપી હતી, પરંતુ તેના ચહેરા પર થોડો પણ ડર દેખાતો નહોતો. બે વર્ષ પહેલા જ ખુશાલ ની પ્રજ્ઞાચક્ષુ બહેને ધોરણ 10 સફળતાપૂર્વક પાસ કર્યું હતું. ખુશાલે પણ તેની બહેનને હિંમત બનાવી ધોરણ 10 ની પરીક્ષા સફળતાપૂર્વક આપી અને સારા માર્કસે પાસ કરી.

આ વર્ષે વડોદરાના પ્રજ્ઞાચક્ષુ ખુશાલ ચૌહાણ એ રાઇટર ની મદદથી ધોરણ 10 ની પરીક્ષા આપી હતી. પ્રજ્ઞાચક્ષુ ખુશાલ માટે રાઇટર ની વ્યવસ્થા કરવામાં આવી હતી, જેથી તે સફળતાપૂર્વક પરીક્ષા લખી શકે. મિત્રો તમને જણાવી દઈએ કે, આંખે અંધ હોવા છતાં ખુશાલ અને તેમની બહેન લેપટોપના માધ્યમથી અભ્યાસ કરતા હતા.

આ લેપટોપમાં એક ખાસ પ્રકારનો સોફ્ટવેર હતો. ખુશાલ અને તેની બહેનને અભ્યાસ કરવામાં ખૂબ મદદરૂપ થતો હતો. આ સોફ્ટવેરમાં, જે લખવામાં આવે તે વાક્યોનું રેકોર્ડિંગ થઈ જતું અને આ ભાઈ બહેન તેમને સાંભળીને સતત અભ્યાસ કરતા હતા. જ્યારે ખુશાલને પરીક્ષા વિશે પૂછવામાં આવ્યું ત્યારે તેણે જણાવ્યું કે, પરીક્ષા દરમિયાન કોઈપણ ટેન્શન રાખ્યા વગર ફક્ત અભ્યાસમાં ધ્યાન આપતા મને આ પરિણામ મળ્યું છે.’