દેશના ઇતિહાસમાં સૌપ્રથમ વખત ગુજરાતમાં આવેલ ‘સ્ટેચ્યુ ઓફ યુનિટી’ ખાતે બનશે આ ઐતિહાસિક ઘટના

કોરોના વચ્ચે હાલમાં એક એવાં સમાચાર સામે આવી રહ્યાં છે, જેને જાણીને ગુજરાતવાસીઓને ખુબ ગર્વ થશે. આગામી 25 તારીખથી સમગ્ર ભારતનાં બધાં જ લોકસભા તથા રાજ્યસભાના સ્પીકરની સાથે જ રાષ્ટ્રપતિ અને ઉપરાષ્ટ્રપતિ ગુજરાતની મુલાકાત લેવા માટે આવવાના છે.

લોકસભાના સ્પીકર ઓમ બિરલા તથા બીજા સ્પીકરની સાથે બેસીને વાતચીત થવાની છે, તે કેવડિયા ખાતે આવેલ ટેન્ટસિટી-2 ખાતે 80મી રાજ્યવિધાનસભાના અધ્યક્ષોની પરિષદનું આયોજન થવાં માટે જઈ રહ્યું છે ત્યારે આ સ્થળે ગુજરાતના વિધાનસભાના અઘ્યક્ષ રાજેન્દ્ર ત્રિવેદીએ મુલાકાત લઇ સમીક્ષા બેઠકનું આયોજન કરવામાં આવ્યું હતું.

છેલ્લા 100 વર્ષમાં સૌપ્રથમ વખત આ કાર્યક્રમનું આયોજન થવાં માટે જઈ રહ્યું છે. આ દેશના ઇતિહાસમાં સૌપ્રથમ વખત સ્પીકરની અખિલ ભારતીય બેઠક હોય એવી પહેલી ઘટના ગુજરાતમાં બની રહી છે. સ્ટેચ્યુ ઓફ યુનિટી એક અતિ વિશિષ્ઠ સ્થળ છે.

સમગ્ર દેશની એકતાના ઘડવૈયા સરદાર સાહેબનું આ સ્મારક છે. પ્રતિમાની કુલ 182 મીટરની ઊંચાઈ રાજ્યની વિધાનસભાના કુલ 182 સદસ્યોની સૂચક છે તેમજ ગુજરાતના કુલ 7 કરોડ પ્રજાજનોની લાગણીની સાથે જોડાયેલ છે. આ જાણકારી આપતાં રાજેન્દ્ર ત્રિવેદીએ આ અતિ વિશિષ્ઠ સ્થળની પરિષદ માટે પસંદગી કરવા બદલ લોકસભાના અધ્યક્ષને સાભાર ધન્યવાદ પાઠવવામાં આવ્યા હતા.