વડોદરા: પ્રોફેસરે વિદ્યાર્થીઓને પૂછ્યા આવા અશ્લીલ પ્રશ્નો. બધા જ વિદ્યાર્થીઓ…

પ્રોફેસર અશ્લીલ પ્રશ્નો પૂછ્યા

તારીખ 16 અને 17 જુલાઈના રોજ ફિઝીયોના પ્રથમ વર્ષમાં અભ્યાસ કરતી વિદ્યાર્થીઓના એનેટોમી વિષયની પ્રિલીમનરી પરીક્ષાના વાયવા લેવાયા હતા. જેમાં એનેટોમી વિભાગના પ્રોફેસર ડો.એસ.કે નાગરે વિદ્યાર્થીનીઓને અભ્યાસના પ્રશ્નો ન પૂછીને અશ્લીલ અને અંગત પ્રશ્નો પૂછ્યા હતા. ત્યાર બાદ વિદ્યાર્થીનીઓએ લંપટ પ્રોફેસરની ડીન ડો.લેઉઆ સામે ફરિયાદ કરી હતી.

પ્રોફેસરની અશ્લીલ વાતો.

તુ ફોરેનર જેવી લાગે છે, તારે કુર્તી નહિ ખાલી શર્ટ અને પેન્ટ પહેરવાના… તને બોયફ્રેન્ડ શોધવામાં કોઈ તકલીફ નહિ પડે, મારા જેવો ચાલશે?, તુ મને બહુ ગમી ગઈ છે, મારા જેવાને બિપાશા બાસુ જોઈતી હોય તો ક્યાં જાય… તારો એક કલાક માટે વાયવા લઉ તો તને કંઈ વાંધો છે… વડોદરાની એમ એસ.યુનિવર્સિટીની બરોડા મેડિકલ કોલેજની વિદ્યાર્થીનીને એક પ્રોફેસર દ્વારા વાયવામાં આવા વિચિત્ર પ્રશ્નો પૂછવામાં આવ્યા હતા. ફિઝીયોથેરાપી વિભાગની વિદ્યાર્થીનીએ આક્ષેપ કર્યો કે, તેને કોલેજના પ્રોફેસર દ્વારા આવા અશ્લીલ પ્રશ્નો પૂછવામાં આવ્યા હતા. ત્યારે ફિઝીયોથેરાપી વિભાગની વિદ્યાર્થીનીઓએ પ્રોફેસરને હટાવવાની માંગણી કરી હતી. વિદ્યાર્થીનીઓએ ગઈકાલે દોઢ કલાક સુધી કોલેજના કેમ્પસમાં નારેબાજી કરીને પ્રોફેસર વિરોધ કાર્યવાહી કરવાની માંગણી કરી હતી. તેમજ તેમને તાત્કાલિક ખસેડવાની માંગ કરી હતી.