PSI એ પહેલા 4 લાખ પડાવી લીધા અને વધુ 1 લાખની લાંચ લેવા આપતા રંગે હાથ ઝડપાયો- જાણો સેના માટે માંગ્યા હતા રૂપિયા

રાજ્યમાં અવાર-નવાર લાંચ લેતા અધિકારીઓની ધરપકડ કરવામાં આવી રહે છે. ત્યારે આજે ફરી એક વખત આવી જ એક ઘટના સુરતમાંથી સામે આવી છે. PSI પી.એલ.દાફડા એ પહેલા 4 લાખ પડાવી લીધા અને વધુ 1 લાખની લાંચ લેવા આપતા રંગે હાથ ઝડપાયો. ઘટના એમ બની કે, એક યુવકે મેડીકલ એજન્સીમાં અગાઉ નોકરી કરી ગયેલ કર્મચારીના મિત્ર સાથે ભાગીદારીમાં મેડીકલ દવાનો હોલસેલ ધંધો શરૂ કરવાના હતા અને કર્મચારીના મિત્ર રાજસ્થાન ગયા હતા અને રાજસ્થાનના પોલીસ સ્ટેશનમાં કોઇ ગુનામાં સંડોવાય જતાં તેમણે યુવકને વોટ્સ એપ કોલ કરી યુવક પાસે દસ લાખ રૂપિયાની માંગણી કરી કરી હતી. પરંતુ યુવકે આપવાની ના પાડી હતી.

યુવકે દસ લાખ રૂપિયા આપવાની ના પાડતા કર્મચારીના મિત્રએ યુવકની મેડીકલ એજન્સીના નામે ખોટાં-ખોટાં લેટર પેડો બનાવી યુવકના નામની ખોટી સહીઓ કરી યુવક પાસે રૂપિયા વીસ લાખની માંગણી કરી હતી અને રૂપિયા ન આપે તો યુવકનેને ખોટાં કેસમાં ફસાવી દેવાની તેમજ તેમના પરિવારને જાનથી મારી નાંખવાની ધમકી આપી હતી. જેને કારણે યુવકે આ અંગે કર્મચારીના મિત્ર વિરૂધ્ધમાં વાપી ટાઉન પોલીસ સ્ટેશનમાં તા.૧૪/૦૪/૨૦૨૧ ના રોજ લેખિત અરજી આપી હતી.

આ બાબતે યુવકે એફ.આઇ.આર. દાખલ કરવાના અવેજ પેટે PSI પી.એલ.દાફડાએ યુવક પાસે રૂ.૫,૦૦,૦૦૦/- લાંચની માંગણી કરી હતી. જેમાંથી PSI પી.એલ.દાફડાએ યુવક પાસેથી ટુકડે-ટુકડે રૂ.૪,૦૦,૦૦૦/- અગાઉ લઇ લીધા તેમજ PSI પી.એલ.દાફડાએ યુવકની અરજી ઉપરથી એફ.આઇ.આર. દાખલ કરેલ તેના બદલામાં યુવક પાસેથી ૧-એ.સી., ૧-ફ્રિઝ, ૨-સેટી, ૨-ગાદી, ૧-કબાટ, ૧-ગીઝર મળી કુલ કિં.રૂ.૮૬,૭૦૦/- ની ચીજ-વસ્તુઓ લીધેલ અને બાકીના રૂ.૧,૦૦,૦૦૦/- લાંચની રકમ લેવાની બાકી હોય જેની PSI પી.એલ.દાફડાએ યુવક પાસે માંગણી કરી હતી.