બુટલેગરે એવી જગ્યાએ દારૂ છુપાવ્યો, જે જોઇને પોલીસને પણ પરસેવો છૂટી ગયો

સમગ્ર ગુજરાત રાજ્યમાં દારૂબંધીનો નિયમ અમલમાં મુકવામાં આવ્યો છે. તેમ છતાં, અવાર-નવાર રાજ્યના ઘણા બધા શહેરોમાંથી દારૂ મળી આવતો હોય છે. હાલમાં કોરોના માં બુટલેગરોના દારૂના ધંધા બંધ થઈ ગયા હોવાથી બુટલેગરો દારૂનો ધંધો કરવા અનેક નવાનવા નુસ્ખાઓ અપનાવતા હોય છે. આવા જ એક ચાલાક બુટલેગરએ પોલીસની નજરથી બચવા દારૂનો મુદ્દામાલ પોતાના ઘરમાં જમીનમાં તથા સ્ટીલના નળામાં છુપાવેલ તથા જમીનમાં દાટેલા એક માટલામાંથી દારૂ પકડાઈ જતા ખુદ પોલીસ પણ ચોંકી ઉઠી હતી.

પોલીસના જણાવ્યા અનુસાર, નર્મદ પોલીસ વડા હિમકરસિંહના માર્ગદર્શન અને કડક સૂચના મળતા દેડીયાપાડા પીએસઆઇ એ.આર. ડામોર તેમજ ટીમ પેટ્રોલિંગમાં હતા.ત્યારે પીએસઆઈ ડામોરને ખાનગી રાહે મળેલ બાતમી આધારે મુકેશ સોમાભાઈ વસાવા ના ટેકરા ફળીયા વિસ્તારમાં આવેલ તેના ઘરમાં ગેરકાયદેસર ઇગ્લીશ દારૂનું વેચાણ કરે છે.

પોલીસે રેડ કરતા ઘરની અભેરાઇ ઉપરથી એક સ્ટીલના નળામાંથી દેશી દારૂ સૌફ 90 મીલીના પ્લાસ્ટીકના ક્વાટરીયા 30 નંગ 300 રૂપિયા ભાવ તથા વાડામાં ઘરની દિવાલ નજીક જમીનમાં દાટેલા એક માટલામાંથી વ્હીસ્કીના કાચના ક્વાટરીયા 6 નંગ 600 રૂપિયા ભાવ તથા ઘરની અડાળીના ખુણાના ભાગે માટીમાંથી બીયર ટીન 12 નંગ 1200 રૂપિયા ભાવ તથા વ્હીસ્કીનો કાચનો હોલ 1 નંગ 300 રૂપિયા ભાવ મળી કુલ 3000 રૂપિયા કિમ નો પ્રોહી.મુદામાલ પકડી આરોપી મુકેશ સોમભાઇ વસાવા વિરૂધ્ધ ગુનો દાખલ કરી કાર્યવાહી કરી છે.