April 20, 2024
પ્રખ્યાત અભિનેત્રી રાઈમા ઈસ્લામ શિમુ (Raima Islam Shimu) તાજેતરમાં ગુમ થઈ ગઈ હતી. હવે તેની લાશ મળી આવતા ખળભળાટ મચી ગયો છે. રાજધાની ઢાકા (Dhaka, Bangladesh) ના કેરાનીગંજના આલિયાપુરમાં એક પુલ પાસે સોમવારે રાયમાનો મૃતદેહ મળી આવ્યો હતો.
રાયમા તેના પતિ અને બે બાળકો સાથે બાંગ્લાદેશની રાજધાની ઢાકાના ગ્રીન રોડ વિસ્તારમાં રહેતી હતી. શિમુ 16 જાન્યુઆરી, રવિવારના રોજ સવારે માવામાં શૂટિંગ કરવા માટે ઘરેથી નીકળ્યો હતો. આ પછી, તેનો ફોન પર ઘણી વખત સંપર્ક કરવામાં આવ્યો, પરંતુ તેનો પત્તો લાગ્યો ન હતો.
બાંગ્લાદેશની રાજધાની ઢાકાના કેરાનીગંજ બ્રિજ પાસે રાયમા ઈસ્લામ શિમુનો મૃતદેહ બોરીમાં બંધ હાલતમાં મળી આવ્યો હતો. પોલીસે જણાવ્યું કે, સ્થાનિક લોકોએ સોમવારે સવારે કદમટોલી વિસ્તારમાં અલીપોર પાસે એક શંકાસ્પદ બોરી જોઈ. આ પછી લોકોએ પોલીસને જાણ કરી. આ મામલો સામે આવ્યા બાદ બધા આઘાતમાં છે. પોલીસના જણાવ્યા અનુસાર, સોમવારે સવારે ઢાકાના કેરાનીગંજના આલિયાપુર વિસ્તારમાં ઇઝરતપુર બ્રિજ પાસે રોડ કિનારે લાશ મળી આવી હતી.
Trending News
મળતી માહિતી મુજબ, રાયમાનો મૃતદેહ એક બોરીની અંદરથી બે ટુકડામાં મળી આવ્યો હતો. 45 વર્ષીય અભિનેત્રીના ગળા પર પણ નિશાન હતા. પોલીસે આ કેસમાં અભિનેત્રીના પતિ અને તેના મિત્ર સહિત 6 લોકોની અટકાયત કરી છે. મંગળવારે બપોરે ઢાકા પોલીસે પ્રેસ કોન્ફરન્સમાં જણાવ્યું કે અભિનેત્રીના પતિ સખાવત, તેના મિત્ર અને ડ્રાઈવરને ત્રણ દિવસના રિમાન્ડ પર લેવામાં આવ્યા છે. જે બાદ તેણે ઘરેલું ઝઘડાને કારણે પત્ની રાયમાની હત્યા કરી હોવાની કબૂલાત કરી છે. પોલીસે એક કાર પણ જપ્ત કરી જેની પાછળની સીટ લોહીથી લથપથ મળી આવી હતી. પોલીસે કોન્ફરન્સ કરીને સમગ્ર મામલાની જાણકારી આપી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
