April 20, 2024
હાલમાં ગુજરાતના અમુક શહેરોમાં વરસાદી માહોલ જામી ગયો છે. હાલમાં વડોદરામાં 3 ઇંચ જેટલો વરસાદ પડી ચુક્યો છે. અને હવામાન આગાહી અનુસાર આગામી 48 કલાકમાં આ વિસ્તારોમાં ભારે વરસાદ ની આગાહી કરવામાં આવી છે.
દક્ષિણ ગુજરાતમાં મેઘરાજાની ધમાકેદાર એન્ટ્રી થઈ ગઈ છે. સાથે જ હજુ સાયક્લોનિકલ સર્ક્યુલેશન પણ સક્રિય છે. જેને કારણે દક્ષિણ ગુજરાત અને સૌરાષ્ટ્રમાં આગામી 48 કલાકમાં ભારેથી અતિભારે વરસાદની આગાહી હવામાન વિભાગ દ્વારા કરવામાં આવી છે. આ આગાહી અનુસાર, દક્ષિણ ગુજરાતના સુરત, નવસારી, તાપી, વલસાડ તેમજ ડાંગ જ્યારે સૌરાષ્ટ્રના ભાવનગર અને અમરેલી સહિતના વિસ્તારોમાં ભારેથી અતિભારે વરસાદની આગાહી કરવામાં આવી છે.
Trending News
આ અગાઉ હવામાન વિભાગે આગાહી કરી હતી કે, આવનારા 24 કલાકમાં દક્ષિણ ગુજરાતમાં ધોધમાર વરસાદ વરસશે અને તે આગાહી સાચી પડી છે અને છેલ્લા 24 કલાકમાં વાપીમાં 10 ઈંચ, કપરાડામાં 9 ઈંચ, વલસાડમાં 8 ઈંચ, ઉમરગામમાં 7 ઈંચ, પારડીમાં 6 ઈંચ અને ધરમપુરમાં 4 ઈંચ કરતા વધુ વરસાદ પડ્યો છે.
ત્યારબાદ હમણા હવમાન વિભાગે આગાહી કરી છે કે, 12 જેટલા રાજ્યોમાં ભારેથી અતિભારે વરસાદ પડી શકે છે. જેમાં હરિયાણા, પંજાબ અને રાજસ્થાનના કેટલાક હિસ્સાઓમાં આગામી 24 કલાકમાં દક્ષિણ-પશ્ચિમ ચોમાસુ પહોંચવાનું અનુમાન વ્યક્ત કરવામાં આવ્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો.
તમે અમને વૉટસએપ, ટેલિગ્રામ, ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
