આવો હેવાન પતી ભગવાન કોઈ દીકરીને ના આપે! પત્નીના હાથ-પગ બાંધી પ્રાઈવેટ પાર્ટ પર માર્યા ચપ્પુના ઘા

રાજસ્થાન(Rajasthan)ના અલવર(Alwar)ના સદર પોલીસ સ્ટેશન વિસ્તારના ચિકાની(Chikani) પાસેના ગામમાં પતિએ તેની પત્નીના પહેલા હાથ-પગ બાંધી દીધા. આ પછી તેણે ગરદન, પેટ, છાતી અને પ્રાઈવેટ પાર્ટ પર છરી વડે ઘા કર્યા. જેના કારણે મહિલા ગંભીર રીતે ઘાયલ થઈ હતી. આરોપીઓએ છરી વડે 10 ઘા માર્યા હતા. મહિલાને ગંભીર હાલતમાં હોસ્પિટલમાં દાખલ કરવામાં આવી હતી. તેના પરિવારનું કહેવું છે કે, તેના પતિએ દારૂ માટે પૈસા માંગ્યા હતા. જ્યારે તેણે ના પાડી તો તેણે આ ઘટનાને અંજામ આપ્યો. પાંચ ડોક્ટરોની ટીમ દ્વારા મહિલાનું ઓપરેશન કરવામાં આવ્યું છે.

મળતી માહિતી મુજબ, નાહરપુર ગામની રહેવાસી મહિલાના લગ્ન 13 વર્ષ પહેલા રતન સિંહ રાજપૂત રહેવાસી હાજીપુર પોલીસ સ્ટેશન નોગાવા સાથે થયા હતા. બંનેને એક પુત્ર અને પુત્રી છે. જણાવવામાં આવી રહ્યું છે કે, મહિલાના પતિને દારૂની લત છે. જેના કારણે તે મામાના ઘરે રહેતી હતી. તેનો પતિ પણ તેની સાથે રહેવા લાગ્યો. આમ છતાં દારૂ પીવા બાબતે તેની પત્ની સાથે ઝઘડો થયો હતો.

રવિવારે રાત્રે પણ દારૂ પીવા બાબતે ઝઘડો થયો હતો. આરોપ છે કે, રતન તેની પત્ની પાસે દારૂ માટે પૈસા માંગતો હતો. પૈસા ન આપવા પર તે એટલો ગુસ્સે થયો કે તેણે તેની પત્નીને મારી નાખવાનો તખ્તો ઘડ્યો હતો. સોમવારે સવારે 4 વાગ્યે રતને તેની પત્નીના હાથ-પગ પલંગ સાથે બાંધી દીધા હતા. આ પછી તેણે પેટ અને ગરદન અને પ્રાઈવેટ પાર્ટ પર છરી વડે ઘા કર્યા હતા. આ હુમલામાં મહિલા ગંભીર રીતે ઘાયલ થઈ હતી. આ પછી પરિવારે મહિલાને અલવરની સરકારી હોસ્પિટલમાં દાખલ કરી છે.

મહિલાના ભાઈએ સાળા પર આરોપ લગાવ્યો છે જે જુગાર રમે છે અને દારૂ પીવે છે:
દીપિકાના ભાઈ કાલિદાસે જણાવ્યું કે, તેનો સાળો દારૂ અને જુગારી છે. તેથી જ બહેનને મામાના ઘરે લઈ આવ્યા. ભાઈ-ભાભી પણ આવીને અહીં રહેવા લાગ્યા, પણ તેણે જુગાર અને દારૂ પીવાનું બંધ કર્યું નહીં. તે દરરોજ તેની બહેનને દારૂના પૈસા માંગીને હેરાન કરે છે. પરિવારનો આરોપ છે કે જ્યારે તેણે પૈસા આપવાની ના પાડી તો તેણે આ ઘટનાને અંજામ આપ્યો.