મુખ્યમંત્રી રૂપાણીના રાજકોટમાં રોડ રસ્તે પડેલા ખાડામાં લોકો આળોટ્યા- જુઓ વિડીયો

રાજ્ય ભરમાં રસ્તાઓના કામમાં કરોડો રૂપિયાના કૌભાંડો થઇ રહ્યાં છે, કોન્ટ્રાકટરો અને અધિકારીઓની મિલિભગત આગળ વિજય રૂપાણીની સરકાર લાચાર છે, કરોડો રૂપિયાનો ખર્ચ છંતા પણ રસ્તાઓ હલકી ગુણવત્તાના બનાવવામાં આવે છે અને દર વર્ષે ચોમાસુ આવતા જ રસ્તાઓ ધોવાઇ જાય છે, જેમાં સૌથી વધારે વાહન ચાલકોએ પરેશાન થવાનો વારો આવે છે, આ વર્ષે પણ સીએમના વતન રાજકોટમાં રસ્તાઓના હાલ બેહાલ છે.

રાજકોટના મોટા ભાગના વિસ્તોરમાં રસ્તાઓ પર ખાડા પડી ગયા છે અને જનતા પરેશાન થઇ ગઇ છે, ત્યારે શહેરમાં આવેલી ગ્રીનલેન્ડ ચોકડી પાસે સ્થાનિક લોકોએ રસ્તા પર ખાડામાં સુઇ જઇને સરકારનો વિરોધ નોંધાવ્યો છે, અહી મોટી સંખ્યામાં ભેગા થયેલા લોકોએ સરકારની કામગીરી સામે રોષ ઢાલવતા તાત્કાલિક રસ્તાઓ રિપેરીંગ કરવાની માંગ કરી છે.

લક્ષ્મણભાઇ બથવાર અને અન્ય એક વ્યક્તિ પહેલા તો રસ્તા પરના ખાડામાં સુઇ ગયા હતા અને તેમના પર માટી નાખીને વિરોધ નોંધાવવામાં આવ્યો છે.ત્યારે ખુદ સીએમના વતનમાં રસ્તાઓ ખખડધજ થઇ જતા સરકારની કામગીરી સામે લોકોમાં રોષ વ્યાપી ગયો છે.