ઘરે બેઠાં ફટાફટ બનાવો રાજકોટની સ્વાદિષ્ટ અને પ્રખ્યાત ચટણી -જાણો બનાવવાની રીત

તમામ ગુજરાતીઓને દરરોજ ભોજનની સાથે જાત-જાતના કચુંબર, અથાણાં તથા ચટણી તો જોઇએ જ. આપણે હમેશા લસણની, કોથમીર ફુદીનાની તથા ખજૂર-આંબલીની ચટણી તો બનાવતા જ હોઈએ છીએ. હાલમાં તમને એક એવી ચટણી સામે લઈને આવ્યા છીએ કે તેનો સ્વાદ તમારી જીભ પર રહી જશે.

રાજકોટની પ્રખ્યાત ખાટી તથા તીખી ચટણી બનાવવાં માટે જઈ રહ્યાં છીએ. આ ચટણીનો ઉપયોગ તમે ગરમા-ગરમગાંઠીયા, ભજીયા, ઢોકળા, સેન્ડવીચ, ભેલ, પુરી ,ભેલપુરી, સમોસા કચોરી, કટલેસ અથવા તો કોઈપણ પ્રકારની ચાટમાં કરી શકો છો. તો ચાલો આજ આ ચટણી કેવી રીતે બને એનાં વિશે જાણીએ.

ચટણી બનાવવાંની રીત:
સૌપ્રથમ સિંગદાણાને થોડા શેકીને તેના ફોતરાં કાઢીને 10 મીનિટ સુધી પાણીમાં પલાળી રાખો. હવે સિંગદાણા પલળતા થાય ત્યાં સુધીમાં કાચી કેરીને પણ ધોઇને તેની છાલ ઉતારીને તેના નાના-નાના ટુકડાઓ કરીને મિક્સરના ચટણીના જારમા સૌપ્રથમ પલાળેલ સિંગદાણામાથી પાણી નિતારીને સિંગદાણા નાખો.

તીખા લીલા મરચાંના ટુકડા નાંખો. ત્યારપછી કાચી કેરીના ટુકડા નાંખો. ત્યારપછી 1 ચમચી હળદર નાંખીને સ્વાડનુસાર મીઠું નાખીને બધું બરાબર મિકસરમાં પીસી લો. હવે તૈયાર છે રાજકોટની ખુબ પ્રખ્યાત ખાટી તથા તીખી ચટણી.