નરાધમે પીડિતાના એવા હાલ કરી નાખ્યા કે, પીડિતાને કહેવું પડ્યું કે તમે મારું રેપ કરી લો પણ જીવ ન લેશો

હાલમાં 24 વર્ષની નિક્કી સાથે 16 જાન્યુઆરીએ જેકે હોસ્પિટલ પાસે દુષ્કર્મ કરવામાં આવ્યું છે. નિક્કીએ વિરોધ કર્યો તો આરોપીએ તેના માથા પર પથ્થર મારી દીધો હતો. છોકરીને ધક્કો વાગતા તે પડી ગઈ તો તેની કરોડરજ્જૂ પર ગંભીર ઈજા પહોચી છે. એમ્સમાં ઓપરેશન કરવામાં આવ્યું છે અને તેમાં 42 ટાકાં લેવામાં આવ્યા છે. પરંતુ હાલની સ્થિતિ પ્રમાણે તે બિલકુલ હલન-ચલન કરી શકતી નથી.

નિક્કી કહે છે કે, હું 16 જાન્યુઆરીની સાંજે 7:30 વાગ્યે રોજની જેમ ઈવનિંગ વોક પર નીકળી હતી. જેકે હોસ્પિટલ તરફથી દાનિશકુંજ ચાર રસ્તા તરફ જઈ રહી હતી. ત્યારે જ હોસ્પિટલથી અંદાજે 200 મીટર આગળ નર્સરી પાસે સામેથી એક છોકરો આવતો દેખાયો હતો. નજીક આવતા જ તેણે મને જોરથી ધક્કો માર્યો હતો. હું રસ્તાના કિનારે આવેલા પાંચ ફૂટ ઉંડા ખાડામાં પડી ગઈ. આ દરમિયાન મારી કરોડરજ્જૂ ટૂટી ગઈ. મે જેકેટ છોડાવવાનો પ્રયત્ન કર્યો તો તેણે મને ઝાડીઓમાં ધક્કો મારી દીધો. તે મારા શરીરને ચૂંથવા લાગ્યો અને બટકાં ભરવા લાગ્યો. તે દુષ્કર્મનો પ્રયત્ન કરી રહ્યો હતો. હું હાથ પગ હલાવીને બચવાનો પ્રયત્ન કરી રહી હતી પરંતુ તે મને માર મારી રહ્યો હતો.

મેં ચીસ પાડી તો તેણે પથ્થર લઈને મારા માથામાં ઘણી વખત માર્યો. મને કશી ખબર નહતી પડતી કે હું શું કરું. એક મીનિટ માટે મને એવું લાગ્યું કે, એ મને જીવતી નહીં રેવા દે. તેથી જીવ બચાવવા મે તેને વિનંતી કરી કે- તું રેપ કરી લે, હું ચીસો નહીં પાડું, કોઈને ફોન પણ નહીં કરું, પરંતુ મને પથ્થરથી મારીશ નહીં. થોડો શ્વાસ તો લેવા દે. તેણે પથ્થર મારવાનું બંધ કર્યું. તેણે અંદાજે 5 મિનિટ સુધી મારી સાથે રેપ કર્યો. હું હેલ્પ-હેલ્પની બુમો પાડતી હતી. સારુ થયું કે, મારો અવાજ ત્યાંથી પસાર થતાં એક યુવક-યુવતી સુધી પહોચ્યો. તે સાંભળીને બંને ઝાડીઓમાં આવ્યા. આરોપી તેમને જોઈને મને અધમુઈ છોડીને ભાગી ગયો.

નિક્કીએ આગળ કહ્યું કે, મને બેભાન થતાં પહેલા એટલું યાદ છે કે, તે બંનેએ ફોન કરીને કાર બોલાવી અને મને કારમાં લઈ ગયા. તેઓ મને એમ્સ લાવ્યા હતા. મારી કરોડરજ્જૂ ટૂટી ગઈ છે, માથામાં ઘણી ઈજા થઈ છે અને ટાંકા પણ આવ્યા છે. ડોક્ટર દ્વારા કરોડરજ્જૂમાં સળીયો નાખ્વામાં આવ્યો છે. ઓપરેશન તો થઈ ગયું છે, પરંતુ હું મારી મરજીથી એક ઈંચ પણ હલી શકતી નથી. કમરની નીચેનો ડાબી બાજુનો હિસ્સો પેરલાઈઝ થઈ ગયો છે. ડાબો પગ સતત હલ્યા કરે છે. ઓછામાં ઓછા છ મહિના સુધી દરેક સેકન્ડ મારે પથારીમાં રહેવું પડશે. પોલીસે જેટલી મને પીડા આપી છે, તેટલી જ પોલીસ આરોપીને છુપાવી રહી છે. કોલાર પોલીસ 17 જાન્યુઆરીએ એમ્સ પહોંચી. તેમણે દાનિશકુંજ ચારરસ્તા પર આવેલા સીસીટીવી કેમેરાનું રેકોર્ડિંગ જપ્ત કરી લીધું છે. તેમાં તે આરોપી સામેની બાજુથી મને ધક્કો મારતો હોય તેવું જોવા મળે છે.