2 વર્ષની ફૂલ જેવી કોમળ બાળકી પર 35 વર્ષીય હવસખોરે આચર્યું દુષ્કર્મ, શાળાના શૌચાલયમાં.., જાણીને તમારા પણ રુવાડા ઉભા થઇ જશે 

માનવતાને શર્મસાર કરે તેવી એક ઘટના ઉત્તર પ્રદેશના બહરાઇચ જિલ્લામાંથી પ્રકાશમાં આવી છે. ઘરની બહાર સૂતી બે વર્ષની એક બાળકી પર 35 વર્ષીય શખ્સે બળાત્કાર ગુજાર્યો હતો અને શાળાના શૌચાલયમાં તડપતી છોડીને ભાગી ગયો હતો. હાલ, બાળકીનું મોત નીપજ્યું હોવાનું જાણવા મળ્યું છે. આરોપીને ગામ નજીકથી પકડ્યો હતો અને પોલીસને હવાલે કરવામાં આવ્યો હતો. આરોપીએ કસ્ટડીમાંથી છટકી જવાનો પ્રયાસ કર્યો ત્યારે પોલીસે તેને પગમાં ગોળી મારી દીધી હતી.

આ કિસ્સો નાનપરા કોટવાલી વિસ્તારનો છે. અહીંના એક ગામમાં સોમવારે રાત્રે બે વર્ષની બાળકી તેની માતા સાથે ઘરની બહાર સૂઈ રહી હતી. આ દરમિયાન ગામનો એક યુવક ચૂપચાપ બાળકીને ઉપાડી ગયો હતો. તેને ઘરથી 100 મીટર દૂર આવેલી સ્કૂલમાં લઈ જઈ તેની સાથે બળાત્કાર ગુજાર્યો હતો. જ્યારે બાળકીની હાલત બગડતાં તેને શૌચાલયમાં મૂકીને તે ભાગી ગયો હતો.

આ દરમિયાન સવારે જ્યારે પરિવારના સભ્યોએ યુવતીને ગુમ જોઈ ત્યારે ખળભળાટ મચી ગયો હતો. લોકોએ વિચાર્યું કે, દીપડો લઈ ગયો છે. ત્યારબાદ પરિવારજનોએ ગામ લોકોની મદદથી બાળકીની શોધખોળ શરૂ કરી હતી. પરિવારના સભ્યો જ્યારે શાળાએ પહોંચ્યા ત્યારે યુવતી ત્યાંના શૌચાલયમાં રડતી હતી. તેના શરીરમાંથી લોહી નીકળી રહ્યું હતું.