કોરોના વચ્ચે પણ ફક્ત પાંચ મીનીટમાં મળશે 10 લાખ સુધીની લોન- જાણો કેવી રીતે કરવી પ્રોસેસ

કોરોના મહામારીએ નાના ઉદ્યોગો એટલે કે MSME માટે ફક્ત ન આવકની મુશ્કેલીઓ ઉભી કરી છે પણ હવે એમની બચવાની આશા પણ ઓછી થઈ રહી છે. આને ધ્યાનમાં લઈને હવે રેઝરપે MSME ક્ષેત્રમાં રોકડ પ્રવાહને સમર્થન આપવાં માટે ‘કેશ એડવાન્સ’ નામની કોલેટરલ ફ્રી ક્રેડિટ શરૂ કરવામાં આવી છે. કેશ એડવાન્સ અંતર્ગત MSME એમની જરૂરિયાતોને આધારે કુલ 50,000 થી લઈને કુલ 10 લાખ રૂપિયા સુધી ઉધાર લઈ શકે છે.

એમને આ લોન ફક્ત 10 જ સેકંડમાં રેઝરપે ડેશબોર્ડ દ્વારા મળશે. જો કે, આની માટે એમના વ્યવસાયનો ક્રેડિટ ઇતિહાસ ખુબ સારો હોવો જોઈએ.’ગ્લોબલ એલિટિક્સ કંપની ક્રિસિલ’ એટલે કે CRISIL એક રિપોર્ટમાં જણાવતાં કહ્યું છે કે, હાલમાં ચાલી રહેલ કોરોના મહામારીને લીધે નાના તથા લઘુ ઉદ્યોગોને કાર્યકારી મૂડીનું સંચાલન કરવું ઘણું મુશ્કેલ બનાવ્યું છે.

આની સરખામણીમાં મોટા તેમજ મધ્યમ ઉદ્યોગોની માટે એમની કાર્યકારી મૂડીનું સંચાલન કરવું ખુબ જ સરળ છે.ભારતમાં અંદાજે કુલ 6.3 કરોડ MSME છે. જેમાંથી કુલ 40% બેન્કો તથા અન્ય લેંડિંગ ઇન્સ્ટીટ્યૂશંસ જેવા ફોર્મલ ચેનલથી લોન લીધી છે. કુલ 60% પાસે હજુ કાર્યકારી મૂડી ઉપલબ્ધ નથી. જો કે, સરકાર ઘણી યોજનાઓ હેઠળ આ ક્ષેત્રને લોન પણ આપવામાં આવી રહી છે પણ કેટલાંક MSME ને એનો લાભ મળ્યો નથી.

ખરેખર, સરકારની સહાયથી આપવામાં આવેલ લોન કોલેટરલ, કદ, વિન્ટેજ તેમજ ક્રેડિટ ઇતિહાસ પર આધારિત છે. વળી, આ યોજનાઓ અંતર્ગત ઉદ્યોગોને MSME હેઠળ લાયકાત લેવી અનિવાર્ય છે. કેન્દ્ર સરકારે MSME માટે એક વ્યાખ્યા નક્કી કરી છે, બેંકોની પાસેથી લોન મેળવવા માટે એમને ફિટ થવું જરૂરી છે.રેઝરપે જણાવતાં કહે છે કે, નાના ઉત્પાદકો, ઇ-કોમર્સ વિક્રેતાઓ તથા સર્વિસ પ્રોવાઇડર્સને ગ્રાહકો પાસેથી ચુકવણી મળે તેની પહેલાં જ એમને રોકડની જરૂર રહેલી હોય છે.