સુરતની નવી સિવિલ હોસ્પિટલમાં ફરી સામે આવ્યું ઇન્જેક્શનનું કૌભાંડ- RTIમાં થયો મોટો ખુલાસો

સુરતમાં અગાઉ પણ સિવિલ હોસ્પિટલમાં કોરોના ઇન્જેકશનનો વેપલો થતો હોવાનું બહાર આવી ચૂક્યું છે. ફરી એક વખત સુરતની નવી સિવિલ હોસ્પિટલમાં રેમેડિસિવિર ઇન્જેક્શન વેચાતું આપી કૌભાંડ કરાયાનો આરોપ મુકવામાં આવ્યો છે.

આ બાબતે સુરતના મોટા વરાછા ખાતે રહેતા તુષાર મેપાણીએ આરોગ્યમંત્રી કુમાર કાનાણીને આની અંગે ફરિયાદ કરી છે. પ્રાઇવેટ અને સિવિલ હોસ્પિટલના નામે ઇન્જેક્શનો ભ્રષ્ટાચાર થઈ રહ્યો છે. જે બાબતે કુમાર કાનાણીએ આ યુચ્કને જોવડાવી લઈશ તેવું કહીને પણ કશું કર્યું ન હોવાનું સામે આવ્યું છે.

તુષાર મેપાણીએ આરટીઆઇ કરી પુરાવા સાથે આરોગ્ય મંત્રી કુમાર કાનાણીને ફરિયાદ કરી છે. તેમની પાસેથી રૂપિયા 10,800માં 2 રેમેડિસિવિર ઇન્જેક્શન વેચાતા આપ્યા છે.

તેમને અગાઉ થયેલા કૌભાંડની જેમાં રોગી કલ્યાણ સમિતિ ની 10800 ની પહોંચ આપવામાં આવી હતી.આ કૌભાંડમાં ટોસિલીઝૂમેબ ઇન્જેક્શન ની કિંમત 31 હજારથી લઈને 58000 રાખવામાં આવે છે તેવો આરોપ લગાવ્યો છે. સરકારની જાહેરાત હતી કે આ ઇન્જેક્શન વિનામૂલ્યે આપવામાં આવે છે પણ સુરત સિવિલ દ્વારા રોગી કલ્યાણ સમિતિના નામે લોકો પાસેથી પૈસા વસુલવામાં આવી રહ્યા હોવાનું જગજાહેર છે. જેની સામે સાશકો પણ ચુપકીદી સેવીને ભાગીદાર હોવાનું સાબિત કરી રહ્યા છે.