સુશાંત સિંહ રાજપૂત કેસ: રિયા ચક્રવર્તીએ કર્યો અત્યાર સુધીનો મોટો ખુલાસો, તેની બહેન સાથે સુશાંત કરતો…

અભિનેત્રી રિયા ચક્રવર્તીએ સુશાંત સિંહ રાજપૂત કેસમાં નાર્કોટિક્સ કંટ્રોલ બ્યુરો (એનસીબી) ના અધિકારીઓ સામે કેટલાક ચોંકાવનારા ખુલાસા કર્યા છે. રિયા ચક્રવર્તીએ સૈફ અલી ખાનની પુત્રી અને અભિનેત્રી સારા અલી ખાન પર ગંભીર આરોપો લગાવ્યા છે. રિયા ચક્રવર્તીએ એનસીબી સમક્ષ કરેલા કબૂલાતમાં લખ્યું છે કે સારા અલી ખાન દ્વારા તેને ગાંજા અને વોડકાની ઓફર કરવામાં આવી હતી.

ચાર્જશીટમાં રિયાએ તેની અને સારા અલી ખાન વચ્ચે થયેલી 4 જૂનથી 6 જૂન, 2017 સુધીની વાતચીત વિશે વાત કરી છે. રિયા ચક્રવર્તીએ ખુલાસો કર્યો કે સારા અલી ખાન ગાંજાના રોલ્સ બનાવતી હતી અને ત્યારબાદ તેને રિયા ચક્રવર્તી સાથે શેર કરતી હતી. આ વાતચીત દરમિયાન રિયાએ કબૂલાતમાં જણાવ્યું હતું કે, ‘ડ્રગ્સ સાથે સંબંધિત વાત થઈ હતી, જે તે હેંગઓવરના ઉપાય તરીકે કહી રહી હતી. તે આઈસ્ક્રીમ અને ગાંજા વિશે વાત કરી રહી હતી, જેનો ઉપયોગ તે પીડાને દૂર કરવા માટે કરે છે. આ વાતચીત રૂબરૂમાં ક્યારેય થઈ નથી.

રિયાએ સુશાંત અપમૃત્યુ કેસમાં તપાસમાં લખાવ્યું છે કે, સુશાંતના પરિવારના સભ્યો સારી રીતે જાણે છે કે તે ગાંજાનો વ્યસની હતો. હું એમ પણ કહેવા માંગુ છું કે તેની બહેન અને જીજા સિધ્ધાર્થ સુશાંત સાથે ગાંજાનું સેવન કરતા હતા અને તે તેના માટે લાવતા પણ હતા.

સાથે આગળ લખ્યું છે, ‘સારા રિયા સાથે ગાંજો પીતી હતી. અમે આવી રીતે એક સાથે અનેક વાર ધૂમ્રપાન કર્યુ છે. તે મને આપવા માટે કહેતી હતી. ચાર્જશીટમાં આગળ લખ્યું છે કે ‘6 જૂન, 2017 ની ચેટમાં વોડકા અને ડ્રગ્સ વિશે વાતચીત થઈ છે. સારા મારા ઘરે વોડકા અને ગાંજો લાવવાની ઓફર કરી રહી હતી. મને તે દિવસે તેની પાસેથી આવી કોઈ વોડકા અથવા ગાંજો મળ્યો નથી.’