ડ્રાઈવરને ઝોકું આવ્યું અને 10 લોકોને ભરખી ગયો કાળ- હરિદ્વારથી પરત આવતા શ્રદ્ધાળુઓને નડ્યો દર્દનાક અકસ્માત

ઉત્તર પ્રદેશ(Uttar Pradesh)ના પીલીભીત(Pilibhit) જિલ્લામાં ગુરુવારે સવારે એક મોટો માર્ગ અકસ્માત(Accident) થયો હતો. પીલીભીતના નેશનલ હાઈવે પર આજે સવારે 17 શ્રદ્ધાળુઓથી ભરેલી એક પીકઅપ વાન બેકાબૂ થઈને ઝાડ સાથે અથડાઈ હતી, જેમાં પીકઅપમાં સવાર 10 લોકોના ઘટનાસ્થળે જ મોત થયા હતા, જ્યારે 7 લોકો ગંભીર રીતે ઘાયલ થયા હતા. ઘટનાની માહિતી મળતા જ પોલીસ ઘટનાસ્થળે પહોંચી ગઈ હતી અને ઘાયલોને હોસ્પિટલમાં દાખલ કર્યા હતા.

પીલીભીતના ડીએમ પુલકિત ખરેએ જણાવ્યું હતું કે હરિદ્વારથી પરત ફરી રહેલા ડીસીએમ વાહનને આજે સવારે લગભગ 4.30 વાગ્યે અકસ્માત નડતાં 10 લોકોના મોત થયા હતા અને સાત ઘાયલ થયા હતા. 17 લોકોમાંથી 10 લોકોના ઘટનાસ્થળે જ મોત થયા છે, 5 જિલ્લા હોસ્પિટલમાં સારવાર હેઠળ છે, 2ને બરેલી રિફર કરવામાં આવ્યા છે. અમે તેમના પરિવારજનોનો સંપર્ક કર્યો છે, પિકઅપમાં સવાર 10 લોકોના ઘટનાસ્થળે જ મોત થયા છે, જ્યારે 7 લોકો ગંભીર રીતે ઘાયલ થયા છે. ઘટનાની માહિતી મળતા જ પોલીસ ઘટનાસ્થળે પહોંચી ગઈ હતી અને ઘાયલોને હોસ્પિટલમાં દાખલ કર્યા હતા.

ગંગામાં સ્નાન કરીને પરત ફરી રહ્યા હતા લોકો, અકસ્માતનો ભોગ બન્યા
મળતી માહિતી મુજબ પીલીભીતમાં પુરનપુર હાઈવે પર ગજરૌલા સ્થિત માલમુરમાં આજે વહેલી સવારે લગભગ 4 વાગ્યે એક પીકઅપ વાન ઝાડ સાથે અથડાઈ હતી. આ અકસ્માતમાં 10 શ્રદ્ધાળુઓના મોત થયા છે. આ બધા એક જ પરિવારના હોવાનું કહેવાય છે. એવું કહેવામાં આવી રહ્યું છે કે પરિવારના સભ્યો હરિદ્વારમાં ગંગામાં સ્નાન અને દર્શન કરીને લખીમપુર ખેરીના ગોલા માટે પરત ફરી રહ્યા હતા.

ડ્રાઇવરને ઝોંકુ આવ્યું અને 10 લોકોએ ગુમાવ્યો જીવ:
દુર્ઘટનાના કારણ વિશે જણાવવામાં આવી રહ્યું છે કે આજે સવારે જ્યારે ડ્રાઈવર પીકઅપ (મહિન્દ્રા) પર લોકોને લઈને ગયો ત્યારે પીલીભીતના ગજરૌલા સ્થિત માલા ટર્ન પર તેને અચાનક નિદ્રા આવી ગઈ, જેના કારણે પીકઅપ અચાનક બેકાબૂ થઈને પલટી ગઈ અને અથડાઈ. વૃક્ષ સાથે. અકસ્માતમાં 10 શ્રદ્ધાળુઓના ઘટનાસ્થળે જ મોત થયા હતા.