કાયદો-વ્યવસ્થાની ઐસી કી તૈસી: ભર બજારે બંદુકના નાળચે લાખો રૂપિયાની લુંટ- સમગ્ર ઘટના વિડીયોમાં થઇ કેદ

ગુજરાત(Gujarat): ગતિશીલ ગુજરાતમાં ગતિશીલ શહેરમાં ધોળે દિવસે લુંટનો મારો ચલાવવામાં આવી રહ્યો છે. લુખ્ખા તત્વોને જાણે કોઈ ખાખી વર્દીનો ડર જ ન રહ્યો હોય તેવી રીતે દિન દહાડે લોકો પર લુંટ ચલાવવામાં આવે છે. ત્યારે આવી જ એક ઘટના એક સામે આવી છે જેમા અસામાજિક તત્વો ધોળા દિવસે જ રસ્તા વચ્ચે લુંટ ચલાવી રહ્યા છે. સમગ્ર ઘટનાનો વિડીયો પણ કેમેરામાં કેદ થયો છે.

રાજ્યના મોરબી(Morbi) શહેરમાં કાયદો-વ્યવસ્થાના ખુલ્લેઆમ લીરેલીરા ઉડતા જોવા મળી રહ્યા છે. મોરબીના રવાપર રોડ પર ધોળા દિવસે લૂંટ થતાં સમગ્ર વિસ્તારમાં ચકચાર મચી ગયો છે. મોટર સાયકલમાં આવેલા બે અજાણ્યા શખ્સોએ રોકડ રૂપિયા લઈને જઈ રહેલા યુવાનને ભરબજારે બંદૂકના નાળચે લૂંટ(Robbery) ચલાવી હતી. લૂંટારુઓના હુમલામાં ઘાયલ થયેલ યુવાનને નજીકની ક્રિષ્ના હોસ્પિટલમાં સારવાર હેઠળ ખસેડવામાં આવ્યો હતો.

કાયદો-વ્યવસ્થાની ઐસી કી તૈસી: ભર બજારે બંદુકના નાળચે લાખો રૂપિયાની લુંટ- સમગ્ર ઘટના વિડીયોમાં થઇ કેદ #trishulnews #topnewstoday #gujaratinews #breakingnews #newsupdate #viralvideo pic.twitter.com/MH6hr7Cwbx

— Trishul News (@TrishulNews) September 29, 2021

મળતી માહિતી અનુસાર, મોરબી શહેરના રવાપર રોડ ઉપર દિન દહાડે બંદૂકને નાળચે લુંટ થઈ હતી. આ સમગ્ર ઘટનામાં અજાણ્યા શખ્સોએ ડરનો માહોલ ઉભો કરી દીધો હતો. મોટર સાયકલ ઉપર આવેલા બે શખ્સોએ બંદૂકના નાળચે રોકડ રૂપિયા લૂંટવાનો પ્રયાસ કર્યા બાદ ઈજાગ્રસ્ત યુવાન અને જાગૃત નાગરિકોએ પ્રતિકાર કરતા બન્ને શખ્સ નંબર પ્લેટ વગરના મોટર સાયકલમાં ઘટના સ્થળેથી નાસી છૂટ્યા હતા અને સમગ્ર બનાવ અંગેની ઘટના કેમેરામાં કેદ થઈ જતા વિડીયો વાયરલ થયો છે અને ભોગ બનનાર ઈજાગ્રસ્ત થતા સારવાર માટે નજીકની ખાનગી હોસ્પિટલમાં ખસેડવામાં આવ્યો છે.