ડીઝલ ભરેલા ટ્રકનો અકસ્માત થતા લોકો મફતનું ડીઝલ લેવા ડોલો લઇ લઈને દોડ્યા- આ દ્રશ્યો જોઇને…

વાત જ્યારે મફતની હોય ત્યારે લોકો બધુ જ ભૂલી જતા હોય છે. સાબરકાંઠાના પ્રાંતિજમાં આવું જ કંઈક બન્યું હતું. જાણવા મળ્યું છે કે, અહીં એક ડીઝલ ટેન્કરને અકસ્માત નડ્યો હતો. ટક્કર પછી ટેન્કરમાં પંક્ચર થઈ ગયું હતું અને તેમાંથી ડીઝલ નીચે ઢોળાવા લાગ્યુ હતું.

આ વાતની ખબર પડતા જ આસપાસના લોકો સોશિયલ ડિસ્ટન્સિંગ કે, કોરોનાની ગાઇડલાઇન ભૂલીને હાથમાં આવે તે વાસણ લઈને ડીઝલ લેવા માટે દોડી ગયા હતા. લોકોએ રીતસરની લાઇનો લગાવી દીધી હતી. બીજી તરફ રોડ પર જાણે કે ડીઝલની નદી વહી રહી હોય તેવા દ્રશ્યો જોવા મળ્યા હતા.

જાણવા મળ્યું છે કે, પ્રાંતિજના કતપુર ટોલ ટેક્સ ખાતે એક ડીઝલ ટેન્કરને અકસ્માત નડ્યો હતો. અહીં ટ્રક અને ટેન્કર વચ્ચે અકસ્માત થયો હતો. રોડની બાજુમાં ઊભા રહેલા ડીઝલ ટેન્કર પાછળ એક ટ્રક ઘૂસી ગયો હતો. ટક્કર એટલી જોરદાર હતી કે ટેન્કરમાં પંક્ચર થઈ ગયું હતું. જેનાથી ડીઝલ નીચે ઢોળાવા લાગ્યું હતું.

રોડ પર ઊભેલા ટેન્કરમાં ટ્રકની ટક્કર બાદ પંક્ચર થતા રોડ પર જ ડીઝલની નદી વહેવા લાગી હતી. આ વાત આસપાસના લોકોને ખબર પડતા જ તેઓ હાથમાં આવે તે વાસણ લઈને દોડી ગયા હતા. લોકો ડીઝલ લેવા માટે રીતસરના લઈનમાં ઊભા રહી ગયા હતા. આ અંગેના સામે આવેલા વીડિયોમાં લોકોને વાસણમાં ડીઝલ ભરીને લઈ જતા જોઈ શકાય છે.