પ્રધાનમંત્રી મોદી સહિતના સાંસદોના પગારમાં 30% કાપ, MPLAD ફંડ પણ નહિ મળે

કોરોના વાયરસ સામેની જંગ માટે આજે પ્રધાનમંત્રીની અધ્યક્ષતામાં બેઠક યોજાયેલી હતી જેમાં મોટા નિર્ણય લેવામાં આવ્યા. મુખ્ય 2 નિર્ણયો લેવાયા. પ્રથમ નિર્ણય મુજબ તમામ સાંસદોના પગારમાં 30% કાપ મુકવાનો નિર્ણય કરવામાં આવ્યો. બીજા નિર્ણય અનુસાર સાંસદોને દેવામાં આવતું MPLAD ફંડ પણ ખતમ કરવામાં આવશે. આ ફંડ કોરોના વાયરસ સામે લડવામાં વપરાશે.

Cabinet approves temporary suspension of MPLAD Fund of MPs during 2020-21 & 2021-22 for managing health& adverse impact of outbreak of #COVID19 in India. The consolidated amount of MPLAD Funds for 2 years – Rs 7900 crores – will go to Consolidated Fund of India: Prakash Javadekar pic.twitter.com/Suy20pFLQi

— ANI (@ANI) April 6, 2020

એક વર્ષ માટે પગારમાં કાપ

કેબિનેટનાં નિર્ણયની જાણકારી આપતા કેન્દ્રિય મંત્રી પ્રકાશ જાવડેકરે કહ્યું કે, એક વર્ષ સુધી તમામ સાંસદોની સેલરીમાં 30 ટકાનો કાપ મુકવાનો નિર્ણય લેવામાં આવ્યો છે. સાંસદોની આ સેલરીનો ઉપયોગ કોરોના વાયરસ સામે લડવા માટે કરવામાં આવશે. આ બાબતે કેન્દ્ર સરકાર આજે અધ્યાદેશ જાહેર કરશે. આ ઉપરાંત રાષ્ટ્રપતિ, ઉપરાષ્ટ્રપતિ અને રાજ્યપાલ પણ એક વર્ષ સુધી પોતાની સેલરીનાં 30 ટકા ઓછા લેશે. રાષ્ટ્રપતિ, ઉપરાષ્ટ્રપતિ અને રાજ્યપાલોએ આ નિર્ણય સ્વૈચ્છિક રીતે લીધો છે.