દીકરો-દીકરી એકસમાન: ઘરમાં લક્ષ્મી સમાન દીકરીનું આગમન થતાં પિતાએ કર્યું પ્રશંસનીય કાર્ય -જાણીને ગર્વ થશે

‘દીકરો-દીકરી એકસમાન’ આ કહેવત હાલમાં સામે આવી રહેલ ઘટનાને જોઈ સાર્થક થઈ હોય એવું જણાઈ રહ્યું છે. ગ્વાલિયરમાં એક હેર સલૂનનાં માલિકે તેની દીકરીના જન્મદિનની ખુશીમાં એક દિવસ માટે ફ્રી હેર કટ કર્યા હતાં. 2 ભાઈઓ સલમાન તથા અરબાઝ ખાન સાથે મળીને આ સલૂન ચલાવી રહ્યાં છે.

તેઓ પોતાના પ્રયાસોથી સંદેશ આપવા માંગે છે કે, ફક્ત દીકરો જ નહિ પરંતુ દીકરીના જન્મ સમયે ઘર-પરિવારમાં ખુશીઓ આવતી હોય છે. 4 જાન્યુઆરીનાં રોજ તેમણે સલૂનમાં ફ્રી હેર કટ કરાવ્યા હતાં. આ બંને ભાઈઓએ પોતાની દુકાનની બહાર એક પોસ્ટર લગાવ્યું છે.

તેની પર લખવામાં આવ્યું હતું કે,, ઘરમાં દીકરીના જન્મને કારણે 4 જાન્યુઆરી 2021 એ અમારૂ સલૂન તદ્દન ફ્રી રહેશે. તેમના કુલ 3 સલૂન છે કે, જે ગ્વાલિયરમાં આવેલ કુમ્હરપુરા, શિવાજી નગર તથા નદીપાર ટાલ વિસ્તારમાં આવેલ છે. લોકોને જેવા આ સલૂનની ફ્રી સર્વિસ વિશે જાણ થઈ કે, સવારથી કટિંગ અને શેવિંગ કરાવવા માટે લોકોની લાઈનો લાગી ગઈ હતી.