સાઉદી અરબે પાકિસ્તાનને આપ્યો જબરદસ્ત મોટો ઝટકો, ભારતને આપી ‘દિવાળી ભેટ’

ભારતને દિવાળી ભેટ ગણાતા પાકિસ્તાનના (Pakistan) નકશા પરથી સાઉદી અરેબીયાએ (Saudi Arabia) પાકિસ્તાન હસ્તકના કાશ્મીર (PoK) અને ગિલગિટ-બાલ્તિસ્તાનને (Gilgit-Baltistan) હટાવી દીધું છે. સાઉદી અરેબિયાના આ પગલાને પાકિસ્તાન માટે મોટો આંચકો માનવામાં આવે છે.

બેંક નોટ પર પ્રદર્શિત કર્યો નકશો
મીડિયા રિપોર્ટ્સ અનુસાર, સાઉદી અરેબિયાએ 21-22 નવેમ્બરના રોજ G-20 શિખર સંમેલનના આયોજનની અધ્યક્ષતા માટે 20 રિયાલ (સાઉદી ચલણ) નોટ બહાર પાડી હતી. આ બેંક નોટ પર દર્શાવવામાં આવેલા વિશ્વના નકશામાં ગિલગિટ-બાલ્ટિસ્તાન અને કાશ્મીરને પાકિસ્તાનના ભાગ રૂપે બતાવવામાં આવતું નથી. અહેવાલમાં જણાવાયું છે કે, શરૂઆતમાં ગિલગીટ-બાલ્ટિસ્તાન અને પીઓકે બતાવવામાં આવ્યા હતા, પરંતુ બાદમાં તેને હટાવી દેવાયા.

અમજદ અયુબ મિર્ઝાએ દિવાળીની ભેટ કહ્યું
મીડિયા અહેવાલોમાં કહેવામાં આવ્યું છે કે, સાઉદી અરેબિયાનું આ પગલું પાકિસ્તાનનાં અપમાનથી ઓછું નથી. પીઓકે કાર્યકર્તા અમજદ અયુબ મિર્ઝાએ (Amjad Ayub Mirza) આ દાવાને ટ્વિટ કરીને લખ્યું છે કે, “ભારત માટે સાઉદી અરેબિયાની દિવાળીની ભેટ – ગિલગિટ-બાલ્ટિસ્તાન અને કાશ્મીરને પાકિસ્તાનના નકશામાંથી દૂર કરવામાં આવ્યા છે.”

ભારતે ચૂંટણી યોજવાનો વિરોધ દર્શાવ્યો હતો
ભારત સરકારે ગિલગિટ-બાલ્તિસ્તાનમાં ચૂંટણી યોજવાના પાકિસ્તાનના નિર્ણયનો સખ્ત વિરોધ કર્યો હતો અને પુનરોચ્ચાર કર્યો હતો કે, ગિલગિટ-બાલ્ટિસ્તાન સહિત જમ્મુ-કાશ્મીર અને લદ્દાખ ભારતનો અભિન્ન ભાગ છે. ભારતીય વિદેશ મંત્રાલયે સપ્ટેમ્બરમાં કહ્યું હતું કે, તેણે 15 નવેમ્બરના રોજ કહેવાતી ગિલગીટ-બાલ્ટિસ્તાન વિધાનસભાની ચૂંટણીઓ અંગેનો અહેવાલ જોયો છે અને તેના પર સખત વાંધો ઉઠાવવામાં આવી રહ્યો છે.