પિતાની મજબુરી જોઈ સાતમું પાસ ખેડૂતપુત્રએ બાઇકના એન્જિનથી બનાવી નાખ્યું ટ્રેકટર- મોટા ટ્રેકટરો પણ ના કરી શકે એ…

છોટાઉદેપુર(Chotaudepur): કહેવાય છે ને કે, મક્કમ મનોબળ અશક્ય કામને પણ શક્ય કરી દે છે… ત્યારે હાલ આ કહેવતને સાર્થક કરતી એક ઘટના સામે આવી છે. જેમાં માત્ર સાત ધોરણ ભણેલા 18 વર્ષીય યુવાને પોતાની કોઠાસૂઝથી બાઇકના એન્જિનમાંથી મિની ટ્રેકટર(Tractor) બનાવ્યું છે. જાણવા મળ્યું છે કે, આ યુવાનના પરિવારની આર્થિક સ્થિતિ નબળી હોવાના કારણે તે વધારે ભણી ન શક્યો, તેમ છતાં પણ તેણે ક્યારેક તો ભણેલા એન્જિનિયરો(Engineers) પણ ન કરે તેવું કાર્ય કરી બતાવ્યું છે.

આર્થિક પરિસ્થિતિના લીધે ભણતરમાં અડચણ આવી:
મળતી માહિતી અનુસાર, 18 વર્ષીય નંદીશ નાયકા છોટાઉદેપુર જિલ્લાના અંતરિયાળ વિસ્તારના ગુડા ગામનો રહેવાસી છે. નંદીશે માત્ર સાત ધોરણ સુધી અભ્યાસ કર્યો છે. તેને તો વધારે ભણવું જ હતું, પરતું પરિવારની આર્થિક સ્થિતિ સારી ન હોવાને કારણે તે વધારે અભ્યાસ કરી શક્યો ન હતો. ત્યારે ગરીબીમાં ઊછરેલા નંદીશનું કંઇક અલગ કરી બતાવવાનું જન્મથી સપનું હતું, પણ તે ભણી ન શક્યો.. તો ઘરેથી બસ મનમાં ગાંઠ વાળીને નીકળી પડ્યો હતો.

ખેતી પણ કઈ રીતે કરવી?
આ દરમિયાન નંદીશ સૌરાષ્ટ્ર અને ઉત્તર ગુજરાતમાં ઠેકઠેકાણે મજૂરી કરીને થોડી રકમ એકઠી કરી અને પરત પોતાના ગામે ફર્યો હતો. નંદીશનાં માતા-પિતા ખેતી સાથે સંકળાયેલા હોવાથી ઘરે પરત ફરીને નંદીશ તેમને ખેતીમાં મદદ કરવા લાગ્યો, પણ એમાં તકલીફ એ હતી કે ટેકનોલોજીના જમાનામાં ટ્રેકટરની વાત દૂર રહીં, પણ તેના પરિવારમાં બળદ પણ નહોતા, જેથી ખેતર ખેડવામાં બહારથી ભાડેથી ટ્રેકટર મગાવવું પડતું હતું અને એ પણ પરિવારને પોસાતું નહોતું. આ બધું નજરે જોયા બાદ નંદીશે નક્કી કર્યું હતું કે હું ટ્રેકટર બનાવીશ.