ગાંધીનગરમાં યુવતીઓને જોઈને અડધું પેન્ટ ઉતારીને અર્ધનગ્ન થઇ જતો હતો યુવક

ગાંધીનગરના વીઆઇપી ગણાતા સેક્ટરમા એક કારમાં ફરતો યુવકની એક અઠવાડિયાથી ત્રાસ હતી. એકલી જતી મહિલાઓ અને યુવતીઓ સામે આ યુવક દ્વારા અશ્લીલ હરકતો કરવાની ફરિયાદો નોંધી હતી. પોલીસને વારંવાર ફરિયાદ મળતી હતી. ત્યારે આ સમસ્યાનુ નિરાકરણ માટે લોકલ ક્રાઇમ બ્રાન્ચની મદદ માંગી હતી.

મહિલાઓને હેરાન કરનાર યુવકને પકડી પાડવા માટે એએસઆઇ હરદેવસિંહ, કેવલસિંહ, અનોપસિંહ અને સચિનસિંહ દ્વારા ગોઠવવામાં આવ્યા હતા. ફરિયાદ મુજબની કારમાંથી નીકળતાં પોલીસ કર્મચારીઓ તેની પાછળ ગયા હતા. એ સમયે પોલીસકર્મચારીઓ દ્વારા મહિલા પોલીસકર્મીને સાદા કપડામાં કાર પાસેથી પસાર કરાઈ હતી. મહિલાને જોઇને યુવકે અશ્લીલ હરકતો શરુ કરી હતી. તેને શરીર ઉપર પહેરેલી ટી શર્ટ ઊચી કર્યું અને પેન્ટને ઢીંચણ સુધી ઉતારી દીધું હતું.

યુવક મહિલા પોલીસકર્મીને જોઇ અશ્લીલ હરકતો કરતાં પરત ફરી હતી, તો યુવક પણ મહિલા કર્મીની પાછળ આવ્યો હતો. એ દરમિયાન જ એલસીબીના સ્ટાફ દ્વારા 27 વર્ષના બ્રિજેશ ભરતભાઈ સોલંકીને કાર સાથે દબોચી લીધો હતો. જ્યારે આરોપીએ અગાઉ 5 ગુના કર્યા છે. હાલમાં હાઇકોર્ટમાં જામીન અરજી પેન્ડિંગ છે.

નવેમ્બર 2011માં મિત્રો વચ્ચે સામાન્ય ઝઘડામાં ખૂન કર્યું હતું, જેમાં અશ્લીલ હરકત કરતો આરોપી પણ સામેલ હતો.  એ સમયે પોલીસ ફરિયાદ નોંધાવાઇ હતી, જ્યારે એક છેતરપિંડીના કેસમાં પણ આરોપી છે.