આંખમાં આંસુ અને ચહેરા પર મુસ્કાન સાથે Tokyo Olympics માંથી બહાર થઇ મેરી કોમ- મેચ હારીને પણ જીતી લીધું કરોડો ભારતીયોનું દિલ

ટોક્યો ઓલિમ્પિક્સમાં દિગ્ગજ બોક્સર મેરી કોમની સફર પૂરી થઈ ગઈ છે. 51 કિલો વજનના વર્ગમાં મેરી કોમને અંતિમ -16 માં હારનો સામનો કરવો પડ્યો હતો. બંને ખેલાડીઓ વચ્ચે જબરદસ્ત મેચ હતી પરંતુ ત્રીજા રાઉન્ડમાં કોલમ્બિયાની ઇંગ્રિટ વેલેન્સિયા મેરી કોમની સરસાઇ મેળવવામાં સફળ રહી. ઇંગ્રિટ વેલેન્સિયાએ વિભાજીત નિર્ણયમાં મેરી કોને 3-2થી હરાવી.

38 વર્ષની મેરી કોમ ભલે હારી ગઈ હોય પરંતુ તેણે કરોડો ભારતીયોનું દિલ જીતી લીધું છે. આપને જણાવી દઈએ કે મેચ પછી રેફરીએ નિર્ણાયક નિર્ણય આપ્યો, મેરી કોમ નિશ્ચિતપણે નિરાશ દેખાઈ પરંતુ તેણે પોતાની રમતગમતથી દિલ જીતી લીધું. હાર પછી મેરી કોમે તેના વિરોધી બોક્સર ઇંગ્રિટ વેલેન્સિયાને ગળે લગાવી હતી. મેરે કોમને ગળે લગાવીને વેલેન્સિયા પણ ખૂબ ભાવનાત્મક દેખાઈ હતી. આ દરમિયાન મેરી કોમની આંખોમાં આંસુ અને ચહેરા પર સ્મિત હતું.

બંને બોકસરે મેચની શરૂઆતથી જ એકબીજાને ધક્કો મારી રહ્યા હતા પરંતુ વેલેન્સિયાએ શરૂઆતના રાઉન્ડમાં 4-1થી પ્રભુત્વ મેળવ્યું હતું. મણિપુરની અનુભવી બોક્સર મેરી કોમે બીજા અને ત્રીજા રાઉન્ડમાં 3-2થી જીત મેળવી શાનદાર વાપસી કરી. પરંતુ વાલેસિયા શરૂઆતના રાઉન્ડની લીડ સાથે આ મેચ જીતવામાં સફળ રહી હતી.

Only admiration and respect for @MangteC !

— Abhinav A. Bindra OLY (@Abhinav_Bindra) July 29, 2021