2 કરોડની ખંડણી કેસમાં શિલ્પા શેટ્ટી ની માતા સુનંદા સુરત કોર્ટ માં હાજર

બોલિવૂડ અભિનેત્રી શિલ્પા શેટ્ટીની માતા સુનંદા શેટ્ટી સામે સુરતની કોર્ટે ધરપકડ વૉરંટ ઇશ્યૂ કર્યું હતું. ઘણા લાંબા સમયથી ચાલી રહેલા પ્રફુલ્લ સાડી પ્રકરણમાં અનેક ટકોર છતાં હાજર ન રહેવા બદલ કોર્ટે સુનંદા શેટ્ટી સામે ધરપકડ વૉરંટ કાઢ્યું છે. 16 વર્ષ જૂના કેસની વાત કરીએ તો 2003માં પ્રફૂલ્લ સાડીના માલિક શિવનારાયણ અગ્રવાલે ઉમરા પોલીસ મથકમાં શિલ્પા શેટ્ટીની માતા સુનંદા શેટ્ટી અને તેના પિતા સુરેન્દ્ર શેટ્ટી સામે ફરિયાદ નોંધાવી હતી.

પ્રફૂલ્લ સાડીના માલિકની ફરિયાદ પ્રમાણે 2003માં તેમણે બોલિવૂડ અભિનેત્રી શિલ્પા શેટ્ટી પાસે એક એડ ફિલ્મ કરાવી હતી. આ માટે શિલ્પા શેટ્ટીને નક્કી કરેલી ફી પણ ચુકવી દેવામાં આવી હતી. ફરિયાદ પ્રમાણે એડ ફિલ્મના પ્રસારણને લઈને કોઈ સમયમર્યાદા નક્કી કરવામાં આવી ન હતી. જોકે, સમય જતાં શિલ્પાની માતાએ સાડીના માલિક પાસેથી રૂ. બે લાખની માંગણી કરી હતી. આ રકમ નક્કી કરવામાં આવેલી રકમ ઉપરાંતની હતી.