સાચવજો નહિતર તહેવારો ઉજવવા લાયક નહિ રહો, છેલ્લા 24 કલાકમાં નોંધાયા આટલા કેસ- આકડો જાણીને ટેન્શન વધશે

સમગ્ર દેશમાં કોરોનાની સ્થિતિએ હાહાકાર મચાવ્યો છે ત્યારે આવા સમયમાં પરિસ્થિતિ સંપૂર્ણ પણે બેકાબુ બની ગઈ હતી. કોરોનાની બીજી લહેરને કારણે કેટલાય લોકો મોતને ભેટી ચુક્યા છે અને કેટલાય લોકો પુરતી સારવાર અને નિદાનની અપૂરતી સુવિધાના કારણે લોકો આર્થિક અને માનસિક રીતે ભાંગી પડ્યા છે. ત્યારે ફરી એક વખત કોરોનાના કેસોમાં વધારો થતા ચિંતામાં વધારો થયો છે.

ભારતમાં કોરોના વાયરસનો કહેર ફરી એકવાર વધવા લાગ્યો છે અને નવા કેસોમાં સતત વધારો જોવા મળી રહ્યો છે. કેન્દ્રીય આરોગ્ય મંત્રાલયના તાજેતરના આંકડા અનુસાર, સમગ્ર દેશમાં છેલ્લા 24 કલાકમાં 43 હજાર 263 લોકો કોવિડ -19 થી સંક્રમિત થયા છે અને છેલ્લા 24 કલાકમાં કોરોનાને કારણે 338 લોકોના મોત થયા છે.

છેલ્લા બે દિવસમાં વધી રહ્યા છે કોરોનાના કેસો:
દેશમાં છેલ્લા 2 દિવસમાં કોવિડ -19 ના નવા કેસોમાં ઝડપથી વધારો થયો છે. કેન્દ્રીય આરોગ્ય મંત્રાલય દ્વારા જાહેર કરવામાં આવેલા આંકડા મુજબ, મંગળવારે દેશભરમાં 31 હજાર 222 લોકો કોરોના વાયરસથી સંક્રમિત થયા હતા, જ્યારે બુધવારે દેશભરમાં 37 હજાર 875 નવા કોરોના કેસ નોંધાયા હતા.

24 કલાકમાં 40567 લોકો સાજા થયા:
મંત્રાલયના જણાવ્યા અનુસાર, છેલ્લા 24 કલાકમાં 40 હજાર 567 લોકો કોરોના વાયરસથી પણ સાજા થયા છે એટલે કે 2358 સક્રિય કેસ વધ્યા છે. દેશમાં ચેપગ્રસ્ત લોકોની કુલ સંખ્યા વધીને 3 કરોડ 31 લાખ 39 હજાર 981 થઈ ગઈ છે અને 4 લાખ 41 હજાર 749 લોકોએ પોતાનો જીવ ગુમાવ્યો છે. 3 કરોડ 23 લાખ 4 હજાર 618 લોકો સાજા પણ થયા છે અને કોવિડ -19 ના 3 લાખ 93 હજાર 614 સક્રિય કેસ છે.