દીકરાએ પોતાની 75 વર્ષની માતાની કરી ક્રૂર હત્યા, બચવા માટે છુપાયો એવી જગ્યાએ કે પોલીસને છૂટ્યો પરસેવો

છત્તીસગઢ: છત્તીસગઢના બલોદાબજારમાં દીકરાએ જ પોતાની માતાની ક્રૂર હત્યા કરી હતી. તે દારૂના નશામાં અવારનવાર તેના પરિવારના સભ્યો સાથે ઝઘડો કરતો હતો. ગુરુવારે રાત્રે જ્યારે પુત્ર દારૂ પીને ઘરે આવ્યો ત્યારે  માતાએ તેને ટોકવા પર ઝઘડો થયો હતો. ત્યારબાદ ગુસ્સામાં આવીને 75 વર્ષીય માતાની છાતી અને પેટ પર અનેક ઘા મારીને તેની હત્યા કરી હતી. સમગ્ર મામલો બિલાઈગઢ પોલીસ સ્ટેશન વિસ્તારના પવની ગામનો છે. આરોપીની ધરપકડ કરવામાં આવી છે.

પોલીસે પકડાયેલા વ્યક્તિનું નામ જોહનલાલ જાણવા મળ્યું છે. મૃતક મહિલાનું નામ ધનકુંવર હોવાનું સામે આવ્યું છે. પોલીસે જોહનલાલને શુક્રવારે ધરપકડ કરી હતી. હવે તેની વિરુધ કેસ નોંધવામાં આવ્યો છે અને આગળની કાર્યવાહી કરવામાં આવી રહી છે. જોહનલાલને દારૂનું વ્યસન હતું. અવારનવાર દારૂના નશામાં તે તેના પરિવારના સભ્યો સાથે ઝઘડો કરતો હતો. આ અંગે તેના પરિવારના સભ્યો પણ ચિંતિત હતા. માતા જોહાનલાલને દારૂ પીવાથી અટકાવતી હતી, પરંતુ તેણે ક્યારેય  માતાનું સાંભળ્યું ન હતું.

અહીં, તેના બંને પુત્રો પણ ઘટના સમયે ઘરે ન હતા. ત્યાં તેની પત્ની સૂતી હતી. આરોપીની પત્ની સાસુની ચીસો સાંભળીને રૂમની બહાર આવી ત્યાં સુધીમાં આરોપી ભાગી ગયો હતો. ત્યારબાદ પરિવારે આ વાતની જાણ શુક્રવારે સવારે બિલાઈગઢ પોલીસ સ્ટેશનને કરી હતી. જેના આધારે પોલીસે આરોપીની શોધખોળ શરૂ કરી હતી.