15 કિમી જંગલ પાર કરીને અભ્યાસ કરવાં માટે જઈ રહેલ છોકરીઓની મદદે આવ્યો સોનુ સૂદ  

કોરોનાને કારણે ઘણાં લોકોન પોતાની નોકરી ગુમાવવાનો વર આવ્યો છે. આવા કપરાં સમયમાં પણ પ્રખ્યાત અભિનેતા સોનુ સૂદ લોકોને સતત મદદ કરી રહ્યો છે. ઇજને કારણે અવારનવાર ચર્ચામાં આવતો રહેતો હોત છે. હાલમાં ફરી એકવખત સોનુ સુદે કરેલ મદદ લઈને એક સમાચાર સામે આવી રહ્યાં છે.

બોલિવૂડ અભિનેતા સોનુ સૂદ લોકડાઉનથી લઈને અત્યાર સુધીમાં ઘણાં લોકોની મદદ કરવાને લઈને ખૂબ જ ચર્ચામાં  આવતા રહેતાં હોય છે. સોનુ સુદ સોશિયલ મીડિયા પર ખૂબ જ એક્ટિવ રહે છે તેમજ તમામ લોકોને મદદ માંગનારને રિપ્લાય પણ આપતો હોય છે. એવા સમયમાં સોનુ સુદે હાલમાં જ એક ગામડાની છોકરીઓને સાઈકલ આપવાની જાહેરાત કરી છે.

હકીકતમાં તો સંતોષ ચૌહાણ નામના એક ટ્વિટર યુઝરે સોનુનું ધ્યાન ઉત્તરપ્રદેશમાં આવેલ મિર્ઝાપુર તથા સોનભદ્ર જિલ્લાની એવી કેટલીક દીકરીઓ બાજુ ધ્યાન કેન્દ્રિત કર્યું હતું. જેમને 5 માં ધોરણ પછી મજબૂરીમાં અભ્યાસ મૂકી દેવો પડ્યો હતો. કારણ કે, આ છોકરીઓને અભ્યાસ કરવાં માટે કુલ 15 કિમીનું જંગલ પાર કરીને જવું પડે છે.

જે ખુબ મુશ્કેલ છે. ટ્વિટ જોયા પછી સોનુ તરત જ એમની મદદ માટે આગળ આવ્યો છે. આપને જણાવી દઈએ કે, ગામમાં કુલ 35 છોકરીઓ એવી છે કે, જેમને જંગલના માર્ગે ચાલીને જવું પડતું હતું. આ માર્ગ નક્સલવાદથી પ્રભાવિત છે. જેને કારણે ભય અનુભવાથી પરિવારનો છોકરીઓ આગળ અભ્યાસ કરવાં માટે જતી નથી.