આ શખ્સે એવું તો શું કર્યું કે, Google એ આપી દીધું 3.30 કરોડનું પેકેજ- જાણો વિગતે

Success Story: ઘણા લોકોને લાગે છે કે હિન્દી માધ્યમ(Hindi medium)માં અભ્યાસ કરીને મોટી સફળતા મેળવી શકાતી નથી. જો તમે પણ એવું વિચારતા હોવ તો તમે ખોટા છો. આજે, જે વ્યક્તિની સક્સેસ સ્ટોરી(Success Story) અમે જણાવવા જઈ રહ્યા છીએ, તેણે પોતાનો પ્રારંભિક અભ્યાસ હિન્દી માધ્યમથી જ કર્યો છે અને હવે Google એ વ્યક્તિને 3.30 કરોડ રૂપિયાનું જોબ પેકેજ ઓફર(Job package offer) કર્યું છે.

આ વ્યક્તિનું નામ શ્રીધર ચંદન(Sridhar Chandan) છે. રાજસ્થાન(Rajasthan)ના અજમેર(Ajmer)ના રહેવાસી શ્રીધરે સફળતાની નવી ગાથા લખી છે. ગૂગલે શ્રીધરને રૂ. 3.30 કરોડનું વાર્ષિક પેકેજ ઓફર કર્યું છે. ગૂગલે તેમને સિનિયર ગ્રુપ એન્જિનિયરની પોસ્ટ પર પોસ્ટિંગ આપી છે. શ્રીધરન હાલમાં ન્યૂયોર્કની એક કંપની બ્લૂમબર્ગમાં સિનિયર એન્જિનિયર તરીકે કામ કરે છે.

નાનપણથી જ અભ્યાસમાં ધ્યાન આપ્યું:
શ્રીધર ચંદન નાનપણથી જ અભ્યાસમાં એટલા બધા કેન્દ્રિત હતા કે તેમણે ન તો માતાની વાત સાંભળી કે ન તો પરિવારના સભ્યોની. તેનું ધ્યાન માત્ર અભ્યાસમાં જ રહેતું. પિતા હરિ ચંદનાની અનુસાર, શ્રીધરનો જન્મ 31 ડિસેમ્બર 1985ના રોજ અજમેરની જવાહરલાલ નેહરુ સરકારી હોસ્પિટલમાં થયો હતો. તેણે પોતાનું પ્રારંભિક શિક્ષણ હિન્દી માધ્યમથી કર્યું હતું. આ પછી તેણે અજમેરની સેન્ટ પોલ સ્કૂલમાં પ્રવેશ મેળવ્યો.

પિતાએ જણાવ્યું કે તે 8મા ધોરણના મેરિટમાં આવ્યો હતો. આ પછી, તેણે આદર્શ શાળામાંથી 12મું પાસ કર્યું અને પછી તે AIEEE માં સિલેક્ટ થયો. પુણેથી કોમ્પ્યુટર સાયન્સમાં BEની ડીગ્રી લીધા બાદ તેઓ સૌપ્રથમ હૈદરાબાદની ઈન્ફોસીસ કંપનીમાં જોડાયા. આ પછી, વર્ષ 2012 માં, તે માસ્ટર ડિગ્રી લેવા માટે અમેરિકા ગયો. ત્યાંની વર્જિનિયા ટેક યુનિવર્સિટીમાંથી માસ્ટર ડિગ્રી મેળવ્યા બાદ તેને બ્લૂમબર્ગમાં નોકરી મળી.