CM વિજય રૂપાણીના અગ્ર સચિવ અશ્વિની કુમારે પ્રેસ કોન્ફરન્સ કરી આજે મહત્વની જાણકારી આપી હતી. અશ્વિની કુમારે કહ્યું હતું કે, હવે દરિયાખેડૂનો દરિયામાં ઉતરવાની પરવાનગી આપી દેવામાં આવી છે. હવે તેઓ દરિયો ખેડી શક્શે. માછીમારો માટે રાજ્ય સરકારે મહત્વનો નિર્ણય લીધો છે. માછીમારોને દરિયામાં જવાની છૂટ અપાઈ છે. આ સાથે જ માછલી, ઝીંગા પર હેરફેરનો પ્રતિબંધ હટાવાશે.

વિધવા બહેનોને વધારાની સહાય આપવામાં આવશે. BPL બહેનોને 1 હજાર વધારાની સહાય આપવામાં આવશે. ત્યાં જ નોન BPL 3.46 લાખ બહેનોને પણ લાભ આપવામાં આવશે. અત્યાર સુધીમાં 9 લાખથી વધુ ફૂડ પેકેટનું રાજ્યમાં વિતરણ કરવામાં આવ્યું છે. લોકડાઉન દરમિયાન જરૂરી સેવા માટે 3 લાખથી વધુ પાસ ઈશ્યુ કરાયા છે.

અમદાવાદના આ વિસ્તારમાં કોરોનાના કેસ આવ્યા છતાં લોકો સુધરતા નથી- ટોળે વળ્યા