જામનગરમાં પ્રોફેસર સામે વિદ્યાર્થીની દાદાગીરી, પ્રિન્સિપાલને માર્યોમાર અને મહિલા શિક્ષકને આપી ગાળો

ગુજરાતમાં આવેલ જામનગરની સિક્કા આર્ટસ એન્ડ કોમર્સ કોલેજની મહિલા પ્રોફેસરે વિદ્યાર્થી સામે પોલીસ સ્ટેશનમાં ફરિયાદ કરી છે. પ્રોફેસર હેતલબેન ભટ્ટે સિક્કા આર્ટસ એન્ડ કોમર્સ કોલેજમાં B.COMના ત્રીજા વર્ષમાં અભ્યાસ કરતા વિદ્યાર્થી યોગેશ સિંધવા સામે ફરિયાદ કરી છે.

પ્રોફેસરે પોલીસ સ્ટેશનમાં નોંધાવી ફરિયાદ

ગત બુધવારના રોજ પ્રોફેસર કલાસમાં લેક્ચર લઈ રહ્યા હતા. લેક્ચર શરૂ થયાના પોણા કલાક બાદ આવેલા વિદ્યાર્થીએ પરવાનગી વગર પ્રવેશ કર્યો હતો. જેને લઈને પ્રોફેસર વિદ્યાર્થીને ક્લાસથી બહાર જવા માટે કહ્યુ હતું. આ દરમિયાન વિદ્યાર્થીએ પ્રોફેસરને અપશબ્દો કહ્યા હતા.