70 વર્ષમાં સુભાષ બાબુને જે સન્માન ન મળ્યુ એ હવે આપશે પ્રધાનમંત્રી મોદી- કરવા જઈ રહ્યા છે મોટું કામ

પીએમ મોદીએ (PM Modi) ટ્વિટ કરીને આ જાણકારી આપી છે. PM એ ટ્વીટ કર્યું, ‘એવા સમયે જ્યારે સમગ્ર રાષ્ટ્ર નેતાજી સુભાષ ચંદ્ર બોઝ (Subhas Chandra Bose) ની 125મી જન્મજયંતિની ઉજવણી કરી રહ્યું છે, મને એ જણાવતા આનંદ થાય છે કે ગ્રેનાઈટથી બનેલી તેમની ભવ્ય પ્રતિમા ઈન્ડિયા ગેટ (India Gate) પર સ્થાપિત કરવામાં આવશે. આ તેમના પ્રત્યે ભારતના ઋણનું પ્રતિક હશે. જ્યાં સુધી નેતાજી બોઝની ભવ્ય પ્રતિમા પૂર્ણ ન થાય ત્યાં સુધી તેમની હોલોગ્રામ પ્રતિમા તે જ જગ્યાએ રહેશે. હું 23 જાન્યુઆરીએ નેતાજીની જન્મજયંતિએ હોલોગ્રામ પ્રતિમાનું અનાવરણ કરીશ.

આ પ્રતિમા ક્યાં સ્થાપિત થશે?
કહેવામાં આવી રહ્યું છે કે ઈન્ડિયા ગેટ પર 6 દાયકાથી ખાલી પડેલી છત્રીમાં નેતાજીની પ્રતિમા સ્થાપિત કરવામાં આવશે. અગાઉ આ છત્રીમાં રાજા જ્યોર્જ પંચમની પ્રતિમા હતી, જેને બાદમાં 1968માં હટાવી દેવામાં આવી હતી.