“માફ કરજો મમ્મી-પપ્પા, હું તમને ખૂબ પ્રેમ કરું છું” કહીને 19 વર્ષની યુવતીએ પાચમાં માળેથી ઝંપલાવ્યું- જુઓ આઘાતજનક વિડીયો

છત્તીસગઢ(Chhattisgarh)ના રાયપુર(Raipur)ના કચના વિસ્તારમાં હાઉસિંગ બોર્ડ કોલોની(Housing Board Colony)માં બુધવારે એક 19 વર્ષની યુવતીએ આત્મહત્યા(Suicide) કરી હતી. યુવતીએ કોલોનીની 5 માળની ઇમારતમાંથી કૂદી ગઈ હતી. આ ઘટનાના સીસીટીવી(CCTV) ફૂટેજ સામે આવ્યા છે. ફૂટેજમાં છોકરી તેના માથાના ભાગ પર જમીન પર પડતી નજરે ચડે છે. ઘટના બાદ આસપાસના લોકો ત્યાં પહોંચીને તેને હોસ્પિટલ લઈ ગયા હતા. યુવતીને આંબેડકર હોસ્પિટલ(Ambedkar Hospital)માં લઈ જવામાં આવી હતી. પરંતુ ત્યાં પહોંચતા જ તેણીનું મોત નીપજ્યું હતું.

પોલીસના જણાવ્યા અનુસાર, જીવ આપનાર યુવતીનું નામ રેશમા બાનો છે. તેણી આ વિસ્તારમાં રહેતા અરબાઝ નામના યુવક સાથે પ્રેમમાં હતી. તપાસમાં સામે આવ્યું છે કે, છોકરી અરબાઝ સાથે મળતી હતી તે પરિવારના સભ્યોને પસંદ નહોતી. આ ઘટનાના થોડા દિવસો પહેલા અરબાઝ સાથે યુવતીના વિવાદનો મામલો પણ સામે આવ્યો છે. એવું માનવામાં આવે છે કે, આના લિધે યુવતી ડિપ્રેશનમાં ચાલી ગઈ હતી. બુધવારે મોડી સાંજે યુવતી ટેરેસ પર હતી. યુવતી ક્યારે નીચે પડી તે પરિવારના સભ્યોને જાણ ન હતી. યુવતીને હોસ્પિટલ લઈ જઈ રહેલા યુવકોએ ઘરે આ સમાચાર આપ્યા હતા. જ્યારે પરિવાર હોસ્પિટલ પહોંચ્યો ત્યારે યુવતીનું અવસાન થયું હતું.

 

View this post on Instagram

 

A post shared by Trishul News (@trishulnews)

પોલીસને યુવતીના મોબાઈલ પર આત્મહત્યાનો મેસેજ પણ મળ્યો હતો. આ મેસેજમાં લખ્યું છે કે, સોરી મમ્મી -પપ્પા, હું તમને બધાને ખૂબ પ્રેમ કરું છું, હું અરબાઝને પ્રેમ કરું છું. મારા લીધે કોઈને તકલીફ ન પડવી જોઈએ, તેથી હવે હું આત્મહત્યા કરું છું. જો શક્ય હોય તો મને માફ કરો. આ ઘટના બાદ પોલીસ શુક્રવારે બાળકીના પરિવારની પૂછપરછ કરશે. અત્યારે આ અકસ્માતના કારણે કચ્છના હાઉસિંગ બોર્ડ કોલોનીના ઘણા પરિવારો શોકમાં છે.